[A:243a]yang 'khor ba'i zhags pa yin / /
rtsod pas bsdan pa 'dzin zhes bshad pa yang / /
rang gzhan grub mtha'i gzhung lugs kun shes nas / /
pha rol yang dag lam la gzhug pa'i phyir / /
lta ngan rigs pas bzlog la dgongs pa yin / /
rang nyid grags 'dod pha rol smad dbab 'dod / /
g.yo sgyu'i rtsod pa tshig rtsub ngan sems can / /
ngag 'khyal sna chogs smra zhing gzhan rgyud bsrag /
de lta'i rtsod pa 'di yang dmyal ba'i rgyu / /
gzhan don chos kyi gtso bor gsungs pa [B:211a]yang / /
gdul bya'i dbang po khams dang bag la nyal / /
tshogs dang sngon dang phyi ma'i mtha' shes shing / /
rang don ma chags gdul bya gdul la dgongs / /
rang nyid rnyed grags bde bstod don gar bas / /
mngon shes med par gzhan don byed pa ni / /
gshog pa med par mkha' la 'phur ba bzhin / /
gzhan don mi 'grub rang don nyams pa'i rgyu / /
'das pa'i sangs rgyas mang pos ma thul zhing / /
mthu chen rgyal sras rnams gyis ma thul ba / /
smad na khong khro stod na dregs pa skye / /
mtho la phrag dog mnyam la 'gran sems can / /
dma' la nga rgyal rtsub pa'i sems 'chang ba / /
chos mthun tshig gis smras kyang chags sdang skya / /
byis pa'i skye bo 'di 'dra bdag gis ni / /
da lta gdul bar mi nus rang sems thul / /
sngar bsags bsod nams brgya las grab pa'i lus / /
dal 'byor rten 'di shin tu rnyed par dka' / /
sdug bsngal