[A:2a]ldan gza' tshogs gzi brjid kun 'joms pa / /
thub pa ser skya rkang mig pa dang rig byed gzhung 'dzin nam mkha'i gos can tshu rol mdzes pa ba / /
rgyas pa rnga bong grog mkhar ba sogs 'byung po'i bya tshogs 'dren byed nyams byed rgyu ba kun gcod cing / /
gang du shar bas blta bar 'dod dang dri bsung don gnyer dbang po tshIm byed sbrang rtsi'i mchog 'dod pa'i / /
mngon mtho'i snod gyur nyan thos rang rgyal rgyal sras bung ba dregs pas myos pa'i dar dir sgrog [B:2a]nams la / /
mtho ris ze 'bru'i phreng ldan kha phye nyer zhi'i dri bsung phyogs bcur 'phros pas myos pa'i rkang drug 'khrigs / /
don gnyis mthar phyin kun mkhyen sbram rtsi kun nas skrun byed nam mkha'i nor bu rgyal ba rgyal cig /
gang zhig 'khrul ba mtha' dag spangs kyang rtag chad smra ba'i lta ba ngan pa gzhom pa dang / /
bstod smad la sogs chos brgyad spangs kyang dkar phyogs lha rnams 'phya ba spang bar bya ba dang / /
rjes su chags pa mtha' dag spangs kyang 'gro la chags pas bstan pa yun du gnas bya'i phyir / /
chos rnams rag gi yul las 'das kyang ngag gi phreng bas chos rnams sdud mdzad spyi bos mchod / /
rgyal ba mchog gis mchog tu lung bstan bstan pa dar mdzad mdzad pa dri med