[A:2b]mnga' / /
mnga' bdag dam pa'i dam pa'i chos kun kun tu gzung phyir theg pa gsum gyi tshul / /
tshul bzhin rab ston ston pa'i gsung rab rab tu gsal byed blo mchog mnga' ba'i thugs / /
thugs rjes dgongs 'grel 'grel bshad bshad pa ma nor ston pa 'phags pa'i tshogs la'ang 'dud / /
[C:2]kun mkhyen rgyal ba'i gangs ri las 'ongs shing / /
sdud byed dam pa'i gsung rgyun rab bltams pas / /
'grel bshad 'dab stong ldan pas brgyan pa'i mtsho / /
legs bsgyur lo paN skyes mchog gtsug gis mchod / /
bslab gsum gser gyi dra bas legs g.yogs shing / /
[B:2b]bsdu bzhi'i yan lag legs skyes mche ba brtan / /
'chad rtsod rtsom pas phas rgol g.yul las rgyal / /
lag ldan bod kyi mkhas mchog rnams la 'dud / /
gsung rab rin chen khams las legs grub cing / /
rnam dpyod lta ba'i byin zas legs sbyangs te / /
brda sprod tshig gi dar gyis rab brgyan nas / /
bdag blo'i the tshom dra ba gcod mdzad pa'i / /
ral gri rin chen lta bu'i bla ma'i tshogs / /
yon tan khur gyis lci ba bcu phrag gnyis / /
khyad par bka' drin che ba'i slob dpon drug /
rgyun du dad pa'i yid kyis skyabs su mchi / /
ma ltar brtse ba'i bla mas legs bskyangs shing / /
mi yi seng ge'i gsung rab padmo'i tshal / /
me tog la dga'i bung ba ltar bsten pas / /
mu mtha' yas pa'i chos la blo gros rgyas / /
de ltas bdag kyang sh'akya'i gsung rab mtsho / /
gting mtha' yas par brgal bar 'dod pa yin / /
de yi gting mtha' rtogs par ma nus kyang / /
ngo mtshar don gyi rin chen cis mi rnyed / /
rnyed kyang dbul po'i lag gi rin chen ltar / /
bdag gi legs bshad dri ma med pa 'di / /
'gran 'dod phrag dog sdang sems kyis ba sgribs nas / /
gzur