[A:26a]ltar bshad na / thog ma dang / bar dang / mtha' ma ni / tshul khrims dang / ting nge 'dzin dang shes rab kyi phung po yongs su nyams pa med pas dge ba'i / /
don bzang po ni phyin ci ma log pas brjod par bya ba phun sum tshogs pa'o / /
tshig 'bru bzang po ni go bar byed pas rjod par byed pa phun sum tshogs pa'o / /
ma 'dres pa ni gzhan dang thun mong ma yin pa'o / /
yongs su rdzogs pa ni nyon mongs pa thams cad kyi gnyen po'i phyir ro / /
yongs su dag pa ni rang gi sa pa'i [C:34]nyon mongs pa las rnam par grol bas ngo bo nyid rnam par grol ba'o / /
yongs su byang ba ni sa gzhan gyi nyon mongs kyi bag la nyal spangs pas rgyud rnam par grol ba'o / /
de dag dang ldan pa ni dam pa'i chos su rtogs par bya'o / /
mdor na sangs rgyas kyi bstan pa dam pa'i chos ni 'phags pa'i bden pa'i mdo sde la 'jug /
nyon mongs pa 'dul ba la snang / rten 'brel gyi chos nyid dang mi 'gal ba zhig yin par theg pa thug mong ba'i lugs yin cing / theg chen gyi lugs kyi rgyud bla mar sngar bshad pa bzhin nam / mdo sde rgyan nas / dad dang [B:23b]dga' dang blo rnams kyi / /
rgyu phyir chos 'di dge ba yin / /
don rnams gnyis ldan gzung sla dang / /
yon tan bzhi can tshangs spyod ston / /
gzhan dang thun mong ma yin ldan pa dang / /
khams gsum nyon mongs rnam spong rdzogs byed dang / /
ngo bo nyid dag dri ma dag pa ste / /
tshangs spyod yon tan bzhi ldan yin par 'dod / ces pa ltar ro / /
theg chen thun mong min pa'i lugs kyi / ji skad du / stong nyid snying rje dbyer med pa / /
gang la sems ni rab sgom byed / /
de nyid sangs rgyas chos dang ni / /
dge 'dun gyi yang bstan pa'o / /
zhes pas stong nyid snying rje'i snying po can