[A:25b]pa'o / /
IIIA. [C:33]dang po ni / spyir shes bya la mkhas par bya ba'i phyir bstan bcos sna tshogs la bslab dgos te / 'dul ba las kyang / phyi rol pa'i bstan bcos la sogs pa'ang bslab par gsungs shing / byang sems kyis ni khyad par du thams cad la bslab par gsungs so / /
'on kyang gtso bo lam du 'gro ba ni sangs rgyas kyi bstan pa la bshad nyan byed dgos la / bstan pa'i ngos 'dzin ni / 'od ldan nas / bslab pa gsum ni rab ston cing / /
phyag rgya gsum dang yang dag ldan / /
thog ma bar dang mthar dge ba / /
sangs rgyas gsung du mkhas pas rtogs / zhes bsgrub bya bslab pa gsum / lta ba bka' rtags kyi phyag rgya gsum ste / chos thams cad bdag med / 'dus byas thams cad mi rtag /
zag bcas kyi 'du byed thams cad sdug bsngal ba ste / gsum ston cing ngo bo thog mtha' bar gsum du dge ba la bshad do / /
so so thar par / sdig pa ci yang mi bya [B:23a]ste / /
dge ba phun sum tshogs par spyad / /
rang gi sems ni yongs su 'dul / /
'di ni sangs rgyas bstan pa yin / zhes gsungs so / /
mdo las / dam pa'i chos ni thog mar dge ba / bar du dge ba / tha mar dge ba / don bzang po / /
tshig 'bru bzang po / /
ma 'dres pa / yongs su rdzogs pa / yongs su dag pa / yongs su byang ba zhes gsungs shing / thog mtha' bar gsum du dge ba ni / thogs med la sogs pas thos bsam sgom gsum la bshad / kha cig mdo'i mgor gleng gzhi / bar du mdo dngos / mthar mthun 'gyur yi rang ste gsum la 'chad / slob dpon dge ba'i lhas bstan bcos kyi thog mar mchod brjod bar du bstan bcos kyi lus / tha mar bsdo ba gsum la bshad do / /
'dir rnam bshad rigs pa