[A:29a]dag 'dod pa spangs pa'o / /
gsum pa'i gnyen por bdag la bstod par mi bya zhing / gzhan la smad par mi bya ba ste / phrag dog dang / bdag la lhag par yid ches par 'dod pa spangs pa'o / /
nyi shu po 'di'i lnga lnga rim pa bzhin / ji lta bur dang / gang gi don du dang / [B:26a]gang 'dra ba'i dang / gang 'dra bas gtam bya ba dang / yang gtam gyi sbyor ba dang / gtam gyi las dang / gtam gyi yon tan dang / smra ba po'i yon [C:38]tan bstan cing skyon dang bral ba ni 'chad byed la mkhas pa'o / /
IIIBaa1c2. gsum ba ni / sgo gsum dge bas kun gyis bkur bar 'os pas rang gi kun spyod la mkhas pa dang / gdul bya'i kun spyod la mkhas pa ni dbang po dang khams dang bag la nyal shes pas de dang mthun pa'i chos bstan pas don du 'gyur gyi / sa'i snying po 'khol lo bcu par / byis pa dbang po zhan cing le lo zhan / /
theg pa gnyis la nan tan mi byed par / /
theg pa chen po'i 'khor lo ldan mi 'gyur / /
de ni rgya chen theg chen snod ma yin / zhes pa'am / de bzhin snod min nyan thos theg pa dag /
theg chen bshad pa thos nas rmongs 'gyur zhing / /
chad par lta la ngan song ltung 'gyur bas / /
des na dbang po brtags te chos bstan to / /
zhes gsungs shing / yang rgya chen chos kyi snod gyur pa / /
dman pa'i chos la sbyar mi bya / /
zhes pa dang / /
dban la zab dang rgya che dang / zhes gsungs pas / snod kyi kun spyod dam mtshan nyid la mkhas dgos so / /
IIIBab1. gnyis pa la / rab sems can thabs cad byang chub chen po la gzhag 'dod kyi snying rje / de med na gang 'chad pa'i don de legs par shes shing phan 'dod kyis zang zing la ltos med du 'chad pa'i