[A:29b]snying rje nges par dgos te / des rang gi bshad pa lam du 'gyur ro / /
mdo sde rgyan las / brtan pa rnams ni srog dang longs spyod tshegs chen rnyed cing snying po med pa dag /
rab dga'i yid kyis sems can sdug bsngal rnams la sbyin rnams rgya chen rtag gtong ba / /
chos yang skye dgu rnams la rnam pa kun tu phan byed tshags chen rnyed min zhing / /
shin tu btang yang zad med 'phel 'gyur ba lta [B:26b]lan gcig ma yin smos ci dgos zhes so / /
de lta min na chos 'tshong ba'i nyes par 'gyur te / 'jam dpal rnam par 'phrul ba'i mdo las chos ston kyang chos nyan pa rnams la snying rje chen po mi skyed pa ni bdud kyi las so zhes pa dang / mang du thos kyang gzhan gyis shes gyis dogs te chos la slob dpon gyis dpe mkhyud byed pa yang bdud kyi las so zhes pa dang / dgongs pa nges 'grel las / 'dod phyir su dag dam chos ston byed pa / /
de dag 'dod pa btang ba phyir len te / /
myos pa de dag thang med rin chen chos / /
thob par gyur kyang sprang po rgyu bar byed / ces so / /
IIIBac1. gsum pa la / 'chad dus kyi ngal dub dang dka' las la skyo ba med pa'i bzod pa / slob mas dri bar bzod pa / gzhan gyis brtsad par bzod cing lan 'debs nus pa gsum gyis / gdul bya rjes su 'dzin nus par 'gyur ro / /
'khor gyi log sgrub bzod pa dgos gsung ste / pha rol la [C:39]phan nges par shes pa'i mngon shes dang ldan na de ltar bya ste / de lta min par / ma gus pa la chos mi bshad la sogs pa dang / do ker can la sog pa lnga la sogs pa mang po dang 'gal bas ha cang blo sna rings pa'i gtam yin gyis / chags sdang gis log par bsgrub pa'i bshad nyan gyis mngon mtho 'am nges legs ci zhig la phan / de ltar chos de dag