[A:30b]dang de dag nges par bya ba'o / /
dang po ni / gzhung gi ngag don skam phogs su bstan te / gang las 'ongs pa'i 'brel / ci'i phyir bkod pa'i dgos pa / ci zhig bstan pa'i brjod bya gsum gyis nges par byed pa ste / des slob ma chos kyi don bzang bar 'gyur ro / /
gnyis pa ni / dkyus kyi 'thim sbyor gyis khyad par gyi gzhi ngos bzung ste / dogs spang gi tshul gyis khyad par du byed pa'i chos bshad nas / des dngos shugs la ji ltar bstan / dpyod pa ste / des slob ma tshig la mkhas par byed do / /
[C:40]gsum pa ni / de dag gis gzhung don rtogs kyang / gzhan gyi rgol ba mi zlog pa srid pas bshad zin pa de nyid la 'gal zlos ma 'brel lo [B:27b]zhes bsam pa ma rtogs pa'i rgol ba bkod nas / de'i bsam pa bsal byed kyi lan gdab pa dang / lung rigs gzhan gyi lan don dgongs pa can du dogs pa spangs pa ste / des slob ma gzhung don la nges pa thob par 'gyur ro / /
rnam bshad rigs par / mdo don smra ba dag gis ni / /
dgos pa bsdus pa'i don bcas dang / /
tshig don bcas dang mtshams sbyor bcas / /
brgal lan bcas par bsnyad par bya / brgal ba dang lan gnyis gcig tu bya ba ni / brgal ba'i lan gdab pa'i don gyi phyir ro zhes pas / thog mar mdo la sogs pa'i dgos pa thos nas / nyan 'dzin la 'bad par 'gyur bas dgos pa bshad / de bsdus don las rtogs pas bsdus pa'i don mdo'am bstan bcos kyi lus sgra dang donn / gnyis sam / brjod bya'i don gril nas ston pa'o / /
de tshig don las rtogs pas tshig gi don bshad pa zhi gzhir bzhag nas / khyad par gyi chos la dogs pa bsu ba'i sgo nas dri tshig dang lan gyi mtha' dpyad nas 'chad pa'am / don gcig la