[A:30a]tshang bas bshad na / 'khor gyi skye bo la 'jebs shing mdzes la lam du 'gyur te / mdo sde rgyan nas / de ltar blo bzang skyo ba med ldan brtse ba can / /
snyan par rab grags cho ga bzang shes ldan pa yis / /
byang chub sems dpa' legs par smra ba yin pa ste / /
bshad pas skye bo'i nang na nyi ma bzhin du lham zhes so /
IIIBb. gnyis pa la / mngon pa kun las btus su rnam par bshad pa'i sgo bcu bzhi dang drug gsungs te / ji skad du / rnam par bshad pa'i gtan la dbab pa gang yang zhe na / [B:27a]gang gis mdo sde rnams rnam par bshad par byed pa ste / de'ang gang zhe na / yongs su shes par bya ba'i dngos po dang / yongs su shes par bya ba'i don dang / yongs su shes par bya ba'i rgyu dang / yongs su shes pa dang / yongs su shes pa'i 'bras bu dang / des rab tu shes pa'o / /
yang rnam par bshad pa'i sgo bcu bzhi ste / rnam par bshad pa bsdu ba'i sgo dang / dngos po bsdu ba'i sgo dang / yan lag dang nye ba'i yan lag gi sgo dang / gong nas gong du mngon par bsgrub pa'i sgo dang / spong ba'i sgo dang / yi ge yongs su bsgyur ba'i sgo dang / chud za ba dang mi za ba'i sgo dang / gang zag rnam par bzhag pa'i sgo dang / rab tu dbye ba rnam par bzhag pa'i sgo dang / tshul gyi sgo dang / yongs su shes pa la sogs pa'i sgo dang / stobs dang stobs ma yin pa'i sgo dang / bzlas te brjod pa'i sgo dang / mngon par bsgrub pa'i sgo'o / /
zhes gsungs so / /
gzhung kha cig las / dgos don bsdus don tshig don gsum gyis 'chad cing / la lar spyi dang yan lag gi don gnyis kyis 'chad do / /
mchims pa ni / don bstan pa dang / gzhung bshad pa