[A:33a]'chad pa de drug gam / yang na slob dpon seng ge bzang pos / chos kyi sbyin pa la sogs sbyin pa na nyan / thos la sogs pa'i yid la byed pa spong ba dang / skye bo thams cad mi snyan par smra ba la sogs bzod pa dang / 'dun pa skyed pa dang / theg pa gzhan dang ma 'dres pa'i sems rtse gcig pa dang / bla na med pa yang dag par rdzogs pa'i byang chub tu bsngo ba rnams mi dmigs pa'i go cha nyid kyis byed pa dang / zhes pa ltar ro / /
IIIBcc1c2. gsum pa rjes la / nongs pa bzod par gsol ba dang / dge ba byang chub tu bsngo ba dang / stong pa'i rgyas gdab pa'o / /
IIIC. gsum pa la / a. gang gis nyan pa'i gang zag /
b. gang la brten nas nyan pa'i thabs / c. ji ltar nyan pa'i tshul gsum mo / /
IIICa. dang po la / a1. nyan pa po b1. rab 'bring c1. tha gsum las /
IIICaa1. dang po la a2. rnam bcad la nyan pa po'i skyon spang ba dang / b2. bsgrub bya nyan pa po'i mtshan nyad bstan pa'o / /
IIICaa1a2. dang po la a3. skyon bcu gsum dang / b3. drug dang / c3. gsum spong ba'o / /
IIICaa1a2a3. dang po ni / rnam bshad rigs par / skyon bcu gsum gyi gnyen por rnam pa bcu drug gis chos mnyan par gsungs shing / bcu gsum ni nang du yang dag par 'jog pa'i tshe smra ba po la bdag nyid kyis bskyod pa dang / spyod lam mi sdug pa'i skyon dang / rigs mtho ba la sogs pa'i nga rgyal gyis 'gying ba'i skyon dang / don du mi gnyer ba'i skyon dang / gzhan gyi phyogs byed pas snying na ba'i skyon dang / mchod par mi 'gyur bas smra ba po rab tu mi 'dzin pa'i skyon dang / sun ci phyin du brgal [C:44]ba'i bsam pa'i skyon dang / chos dang chos smra ba la yon tan yid la mi byed pa'i phyir rim gro mi byed pa'i skyon dang / [B:30a]chos la tshog dang