[A:37b]don de rnam par shes na yid mi rton / zhes zla ba sgron me las 'byung ba bzhin / rnyed bkur 'dod sred byis pa dang 'grogs pa spangs te / nags na ri dwags bya rnams dang / /
shing rnams mi snyan sgrog mi byed / /
'grogs na bde ba de dag dang / /
nam zhig lhan cig gnas par 'gyur / /
zhes pa'i nags dben pa bstan no / /
de nas rnam g.yeng spong ba la mi brtson na / mnyam par 'jog par mi 'gyur bas / mnyam gzhag la brtson dgos la / de'i bras bu nyon mongs pa sbyong ba yin pas / mi sdug pa la sogs pa bsgom par bya'o / /
mang du thos kyang sgrub pa dang bral ba ni nyes pa chen po ste / drag shul can gyis zhus par / gal te thos pa dang ldan pa dal ba phun sum tshogs pa 'di rnyed nas / rnyed pa la sogs pa la chags pa'i sems mi sbyong na de ni lha dang bcas pa'i 'jig rten la bslu ba gcig pur 'gyur ro zhes pa dang / dkon brtsegs las kyang / 'od srungs 'di lta ste / dper na mi la la zhig rgya mtsho'i chu chen pos khyer ba chus skom bzhin du 'chi ba'i dus byed pa de bzhin du / 'od srungs 'di la dge sbyong dang bram ze kha cig chos mang po bslabs te kun chub par byas kyang / 'dod chags la sred pa mi sel / zhe sdang la sred pa mi sel / gti mug la sred pa mi sel ba de dag chos kyi rgya mtshos khyer la / nyon mongs pa'i skom pas 'chi ba'i dus byed par 'gyur te / ngan 'gror 'gro bar 'gyur ro / /
zhes so / /
des na bdag lta bu kha bshad la song nas lag len med pa la snying po med pas / don sems shing lag [C:50]len gal che ste / lhag pa'i bsam pa baskulb'i mdo las / thos pas