[A:37a]pa chos la gnas pa'i dge slong zhes bya ba'i mdo las / sgom pa la ma brten par thos pa dang sems pa'i sbyor ba 'ba' zhig gis kyang chos la gnas pa ma yin la / thos pa dang sems pa la ma brten par sgom pa la sbyor ba 'ba' zhig gis kyang chos la gnas pa ma yin gyi / gnyis ka la brten te gnyis ka la gnas na chos la gnas pa yin no / /
zhes gsungs so / /
mdo sde rgyan las kyang / de ltar rnal 'byor can gyi bsgom pa gang yin de yang don med min / /
de yang bde bar gshegs kyi bstan pa gang yin de yang don med min / /
gal te thos pa tsam gyis [C:49]don mthong 'gyur na bsgom pa don med 'gyur / /
gal te ma thos par yang bsgom 'jug 'gyur na bstan pa don med 'gyur / /
zhes gsungs so / /
des na thog mar sdug bsngal mang po'i gzhi'am rgyu 'chal ba'i tshul khrims kyi gnyen por tshul khrims bsrung zhing / de nas nyon mongs pa rnam par sbyang ba la 'bad par bya'o / /
de'i rim pa ni zhi ba lhas / bzod bya thos pa btsal bar bya / /
de nas nags su gnas par bya / /
mnyam par gzhag la brtson bya zhing / /
mi sdug la sogs bsgom par bya / /
zhes so / /
de la thog mar bzod pa dgos te / de med na skyo ba la ji mi snyam pa med pas thos pas mi 'jug pas so / /
thos pa med na nyon mongs spong ba'i bsam gtan gyi thabs mi shes pas thos pa btsal lo / /
thos pas chos shes su zin kyang lang / long can du spyod na ting nge 'dzin mi skye bas / chos dang mthun pa'i tshig gis smras gyur kyang / /
khro dang zhe sdang yid mi ches pa dag /
rab tu smras [B:33b]ste 'di ni byis pa'i chos / /