[A:42a]brtsegs pa'i nang du / [B:37b]rgyal po sras dang btsun mor bcas pa zhugs te / nam mkha' la phyin te sangs rgyas kyi spyan sngar 'khod pa dang / bcom ldan 'das kyis rgyal po chen po dad pa ni yongs su mi nyams shing khyad par du 'gro bar 'gyur ba'o zhes pa la sogs pa'i chos bstan pa mnyan nas rang gi khyim du phyin pa dang / zla ba nya la bab pa dang / btsun mo ma smad pa'i pang bar khye'u chos sems dang / dpe me pa'i pang bar chos kyi blo gros gnyis rdzus te byung ngo / /
de gnyis dang bcas te sangs rgyas la chos mnyan no / /
de'i tshe rgyal po 'di snyam du / rgyal bu 'di thams cad byang chub tu zhugs pa sha stag yin na / gang thog mar sangs rgya brtag par bya'o snyam ste / gzhon nu de thams cad kyi ming bris nas rin po che sna bdun gyi bum par bcug ste / zhag bdun du mchod pa byas te / btsun mo'i 'khor dang sras stong dang gzhon nu gnyis kyi mdun du nang mis bum pa'i nang nas ming rnams phyung ngo / /
thog mar gzhon nu rnam par dag pa'i blo gros kyi ming byung bas / sa g.yos shing rol mo'i sgra byung ste / de ni 'khor ba 'jig go /
de nas gzhon nu rnam par rgyal ba'i sde gser thub bo / /
dbang po zhi ba 'od srungs so / /
don thams cad du grub pa ni sh'akya thub pa'o / /
ska rags can ni byams pa'o / /
mchog gi blo gros ni seng ge'o / /
glog gi lha ni tog ces bya ba'o / /
bzang po ni me tog dam pa'o / /
'od kyi dpal ni me tog go /
rnam par snang ba'i pad ma ni skar rgyal lo / /
dri ma med pa'i 'od ni spyan legs so / /
rdul med ni lag bzang ngo / /
blo gros rgyal po ni 'od do / /