[A:41b]sogs pa dang / khyod ni pad ma dkar po lta bu'i byang chub sems dpa'o / /
gzhan ni me tog lta bu'i byang chub sems dpa'o / /
zhes bya ba la sogs pa bsngags pa bsam gyi mi khyab pa brjod de / bskal pa bzang po'i sangs rgyas bzhi pa sh'akya thub par lung bstan / phyogs bcu'i sangs rgyas thams cad kyis skyes bskur / lha dang mi'i skye dgu thams cad kyis mchod do / /
de nas sangs rgyas rin chen snying po mya ngan las 'das nas / sku gdung gi mchod rten brtsigs te lo bye phrag sum cu rtsa drug tu mchod pa'ang byas so / /
bram ze rgya mtsho'i rdul yang rab tu byung nas lo nyi khri'i bar du tshangs par spyod / /
de ltar na bskal pa bzang po 'di la sangs rgyas stong dang lnga 'byung bar shes par bya'o / /
IVAbb1. gnyis pa ni / sngon byung ba 'das pa'i dus na bskal pa mdzes par snang ba la 'jig rten gyi khams rnam par brgyan pa zhes bya bar / sangs rgyas yon tan mtha' yas rin chen sna tshogs bkod pa'i rgyal po zhes bya ba byung ngo / /
de'i tshe pho brang rnam par dag pa can du gling bzhi la dbang ba'i 'khor los bsgyur ba'i rgyal po yul 'khor bsrung zhes bya ba btsun mo bdun 'bum dang sras stong du tshang ba yod do / /
de'i tshe rgyal po des sangs rgyas dge slong gi dge 'dun dang bcas pa la lo bye ba tshang bar bsnyen bkur te / [C:56]dge slong re re la'ang g.yog gsum gsum phul lo / /
de'i tshe rgyal bu de dag / sangs rgyas 'byung ba brgya lam rnyed par 'gyur / /
mir skye ba yang shin tu dka' ba rnyed / /
grogs po gang dag dad dang chos nyan pa / /
'di 'dra bskal pa brgyar yang rnyed par dka' / /
zhes pa la sogs pa'i tshigs su bcad pa smra zhing / tsan dan sprul gyi snying po'i khang pa