[A:43a]sems dang chos kyi blo gros la khyed gnyis smon lam ji ltar 'debs zhes dris pas / chos sems ni nga khyed thams cad kyi lag na rdo rjer gyur te / nang na spyod cing de bzhin gshegs pa'i gsang ba thams cad las phyi rol tu ma gyur la / phyi nang gi chos thams cad nyan mos rtogs par smon lam btab ste / de ni phyag na rdo rje ste / sangs rgyas stong gi bka' sdud pa po yin cing / ma 'ongs pa na bskal pa rnam par sbyong ba zhes bya ba la / 'jig rten gyi khams kun nas yongs su dag par sangs rgyas rdo rjes rnam par [B:38b]gnon par lung bstan no / /
chos kyi blo gros kyis khyed thams cad la chos kyi 'khor lo bskor bar bskul bar gsol ba 'debs par smon lam btab ste / de ni tshangs pa gtsug phud can no / /
yul 'khor srungs ni mar me mdzad do / /
des na sangs rgyas stong yin gyi stong rtsa gnyis zhes pa dang / phyag rdor mos pa'o zhes zer ba ni blun po'i kha la ma rgyug cig /
'o na bskal pa bzang po zhes brjod pa ci zhe na / 'jig rten 'di chus 'jig pa'i tshe mtsho nas gser gyi pad ma stong byung bar gyur to / /
de la lha rnams kyis brtags pas sangs rgyas stong 'byung ba'i ltas su shes te kye ma bskal pa 'di ni bzang po'o zhes brjod pas / bskal pa bzang po zhes grags par gyur to / /
zhes snying rje chen po pad dkar las bshad la / ye shes rgyas pa'i mdo las / bskal pa bzang po'i ming bskal pa pad ma stong mthong zhes btags pa yod do / /
de la sangs rgyas stong 'byung ba la gnas bskal gyi mar 'grib kyi brgyad khri pa nas brgya pa'i bar la