[A:43b]'byung ngo / /
brgyad khri bas snga bar mi 'byung ste / skyo ba shas chung bas chos don du mi gnyer bas so / /
brgya [C:58]pa bas 'phyi bar mi 'byung ste / tshe dang sems can dang nyon mongs pa dang / lta ba dang / dus kyi snyigs ma lnga bde bas so / /
yar 'phel la mi 'byung ste / mi dge ba ngang gis spong zhing / dngos po rnams 'phel bas skyo ba mi skye bas so / /
ji skad du / mar ni 'grib pa yi / /
brgya yi bar la de dag 'byung / /
zhes pas so / /
de dag kyang bskal pa bzang po 'di'i rnam gzhag la dgongs kyi / thams cad du mi bsam ste / snying rje pad ma dkar por / 'jig rten gyi khams mthe bong can na tshe lo bcu pa'i dus su mi mthe bong tsam gyi nang du sangs rgyas skar ma la dga' ba zhes bya ba sku khru gang ba sor bdun gyi tshad tsam pa yod par bshad cing / brgyad khri bas snga ba'i sangs rgyas [B:39a]mang po bshad pas so / /
'di'i tshe lo bzhi khri'i dus su 'khor ba 'jig /
sum khri'i dus su gser thub / nyi khri'i dus su 'od srungs / brgya pa'i dus su sh'akya thub pa / brgyad khri pa'i dus su byams pa 'byung ngo / /
mdo bskal bzang du sangs rgyas re re'i yul dang rigs dang 'od dang yab yum dang sras dang rim gro pa dang shes rab can dang / rdzu 'phrul can gyi mchog gnyis dang / 'khor 'dus pa dang / tshe tshad dang / bstan pa gnas pa'i tshad dang / sku gdung ste / mchog zung so sor bgrangs pa'i don bcu gsum bcu gsum gyis bstan cing / kha cig gis gdung smos te bcu bzhi'o / /
'khor 'dus pa'ang kha cig la re re dang / kha cig la mang po dang sku gdung la rgyas par 'gyur ba dang / ril po gcig tu 'dug pa gnyis so / /
ston pa 'di la dper brjod na / mchog tu dga' ba'i rgyal po nga skye ba'i yul ni