[A:47b]gzhan gyis bstan pa'i sems bskyed bshad / /
ces kun rdzob sems bskyed kyi rgyu dang / rdzogs pa'i sangs rgyas rab bsnyen byas / /
bsod nams ye shes tshogs rab bsags / /
chos la mi rtog ye shes ni / /
skyes phyir de ni dam par 'dod / /
ces don dam sems skyed kyi rgyu bshad do / /
bsdu na ji skad du / de la thog mar rigs nus pas / /
snying rje'i sa bon rab sad cing / /
sbyor dang bsam pa phun tshogs las / /
byang chub sems ni yongs su bzung / /
zhes pa ltar ro / /
IVAca1b2c3. [C:64]gsum ni / skyes thob kyi 'bras bu ngo mtshar / bar skabs kyi 'bras bu yid bzhin gyi nor bu sems la rnyed pas dgos 'dod char bzhin du 'bab / mthar thug gi 'bras bu sangs rgyas thob pa la sogs pa bsam gyis mi khyab yod de / dpal byin gyis zhus par / byang chub sems kyi bsod nams gang / /
gal te de la gzugs mchis na / /
nam mkha'i khams ni kun gang ste / /
de ni de bas lhag par 'gyur / /
zhes so / /
IVAca1b2d3. bzhi pa la ngo bo'i sgo nas dbye na smon 'jug gnyis / phra rags kyi sgo nas phye na brda dang chos nyid kyis thos pa gnyis / yul gyi sgo nas dbye na kun rdzob dang don dam gnyis / sa mtshams kyi phye na sems bskyed de ni sa rnams la / /
mos dang lhag bsam dag pa dang / /
rnam par smin pa gzhan du 'dod / /
de bzhin sgrib pa spangs ba'o / /
zhes pa ltar bzhi dang / grogs dang dpes phye ba nyi shu rtsa gnyis te / de yang sa gser zla ba me / /
zhes pa'am / bskyed pa sa dang 'dra par 'dod ces pa ltar ro / /
bsdu ba rnam par gtan la dbab par ni bcu gsungs te / sems bskyed pa ni rnam pa bcu ste / 'di lta ste / yang dag par blangs pa brda las byung [B:43a]ba dang chos nyid kyis thob pa dang /