[A:47a]thag la ting 'dzin blo / /
IVAcc1a2. zhes pas phyin drug rdzogs te sangs rgyas te / chos dang gzugs sku'i bdag nyid can du gyur nas / kun shes nas rab bzang gi bar la chos kyi 'khor lo bskor te / lhag med du mya ngan las 'das par 'dod do / /
gnyis pa thag chen gyi lugs la gsum ste / IVAca1b2. [C:63]dang po byang chub mchog tu sems bskyed tshul / IVAcb1b2. bar du bskal pa grangs med par tshogs bsags tshul IVAcc1b2. [B:42a] mthar bdud bzhi bcom nas sangs rgyas tshul lo / /
IVAca1b2. dang po la a3. sems bskyed kyi ngo bo / b3. rgyu c3. phan yon / c3. dbye ba e3. ji ltar bskyed pa'i tshul dang lnga'o / /
IVAca1b2a3. dang po ni / mdo sde rgyan las / spro ba che dang rtsam pa che / /
don che ba dang 'byung ba che / /
byang chub sems dpa'i sems pa ste / /
don gnyis ldan pa'i sems 'byung ba / /
zhes grogs go cha dang sbyor ba'i brtson 'grus dang ldan pa / 'bras bu rang gzhan gyi don 'grub cing byang chub chen po 'byung ba / dmigs yul byang chub chen po dang sems can gyi don la dmigs pa'i sems pa 'byung ba sems bskyed kyi mtshan nyid du bshad do / /
mngon rtogs rgyan nas / sems bskyed pa ni gzhan don phyir / /
yang dag rdzogs pa'i byang chub 'dod / /
de dang de ni mdo bzhin du / /
bsdus dang rgyas pa'i sgo nas brjod / /
ces gsungs shing de'i 'grel ba dag ldan du / gzhan gyi don gyi phyir yang dag par rdzogs pa'i byang chub la dmigs pa'i 'dod ni sems bskyed pa'i mtshan nyid do zhes so / /
IVAca1b2b3. gnyis pa ni / byang sa las / rgyu bzhi / rkyen bzhi / stobs bzhi las skye bar bshad cing / mdo [B:42b]sde rgyan du / grogs stobs rgyu stobs rtsa ba'i stobs / /
thos stobs dge ba goms pa las / /
mi brtan pa dang brtan 'byung ba / /