[A:48b]yang dag pa'i sgrub pa las yongs su nyams par byas nas / log pa'i sgrub pa la kun tu sbyor bar byed pa'o / / stobs dang ldan pa ni de las ldog pa las rig par bya'o / /
de la 'bras bu yongs su ma grub pa ni mos pas spyod pa'i sa nas bzung ste [B:43b]sa bcu pa'i bar gyi'o / /
de la 'bras bu yongs su grub pa ni de bzhin gshegs pa'i sa las te / bcom ldan 'das kyis nga ni dka' ba spyod pa de las thar cing bdag nyid kyi yang dag pa'i smon lam dang byang chub dam pa yang thob pa yin no / /
zhes ji skad du gsungs pa lta bu'o zhes gsungs so / /
IVAca1b2e3. lnga pa ni snying rje pad dkar nas bram ze rgya mtsho'i rdul gyis sems dang po bskyed par bshad do / /
bskal bzangs su / nga ni sngon tshe dman par gyur pa'i tshe / /
de bzhin gshegs pa sh'akya thub de la / /
'jams gang zhig ni dbul bar byas nas kyang / /
dang po byang chub tu ni sems bskyed do / /
zhes gsungs la / drin lan bsabs pa ltar na / ston pa 'di sngon rigs la gnas pa'i dus na las kyi nus pas dmyal ba'i lcags bsregs kyi sa gzhi la shing rta 'dren pa'i gyad cig tu skyes so / /
de'i tshe zla bo stobs chung ba la srungs ma a wang gis yang yang bsnun pas shin tu brtse ba skyes te / de'i rkyen gyis byang chub tu sems bskyed do / /
de nas a wang la 'di la snying rje'i sems cung zad skyed cig ces smras pas / de rab tu khros nas mdung rtse gsum pa bsnun pas tshe'i dus byas te / me'i shing rta 'dren pa'i dmyal ba las thar te / bskal pa brgyad kyi sdig pa byang bar gyur to / zhes 'byung la / phung po gsum pa ltar na / ston pa 'di tshong dpon gyi bu mngon dgar gyur pa na / de bzhin