[A:49a]gshegs pa mdzes chen la dang por sems bskyed par bshad do / /
yang na rdza mkhan gyi khye'u snang byed du gyur pa'i tshe / de bzhin gshegs pa sh'akya thub pa chen po la kham pa'i bum pa gcig 'gron bu lnga mchil lham zung gcig gdugs gcig rnams phul te / de bzhin gshegs pa khyed sku ci 'dra dang / /
'khor dang sku tshe'i tshad dang zhing khams dang / /
de bzhin mtshan mchog bzang po ci 'dra ba / /
de 'dra kho nar bdag kyang 'gyur bar shog /
ces smon lam btab ste sems [B:44a]bskyed do / /
IVAcb1b2. gnyis pa tshogs bsags tshul la gsum ste / a3. gang bsag bya'i tshogs ngos gzung /
b3. ji tsam [C:66]bsags pa'i dus / c3. ji ltar bsags pa'i tshul dang gsum mo / /
IVAcb1b2a3. dang po la a4. tshogs kyi rang bzhin / b4. de phar phyin la sbyar ba / c4. nges tshig / c4. las / e4. sgrub tshul / f4. 'bras bu / g4. dmigs yul / h4. rnam grangs kyi sgo nas dbye ba dang brgyad do / /
IVAcb1b2a3a4. dang po ni / mdo sde rgyan nas / byang chub sems dpa' rnams kyi tshogs / /
bsod nams ye shes mtshungs pa med / /
gcig gis 'khor bar mngon mtho byed / /
gzhan gyis nyon mongs med par 'khor / /
zhes pas mngon mtho nges legs kyi rgyur gyur pa'i dge ba zag bcas zag med rnams ni tshogs kyi rang bzhin no / /
IVAcb1b2a3b4. gnyis pa ni / sbyin dang tshul khrims bsod nams kyi / /
tshogs yin shes rab ye she kyi / /
gsum po gzhan ni gnyis ka ste / /
lnga char yang ni ye shes tshogs / /
zhes so / /
IVAcb1b2a3c4. gsum pa ni / rgyun du bsgom pa thob nas ni / /
dge ba yang dang yang du bsgrub / /
ces pas / saM skri ta la saM bha ra zhes pa tshogs yin pas / saM ta na rgyun du bh'a wa na zhes pa bsgom pa / ra ti ni yang nas yang du ste / rgyun