[A:98] nams kyi skal bar phebs pa ste | de yang dus 'khor bod du 'gyur tshul spyi la | thog mar gyi co lo tsA ba zla ba'i 'od zer gyi 'gyur la mang 'gyur du grags | de nas rim par rma dge ba'i blo gros | 'gro lo shes rab grags | gnyan lo dar ma grags | mang 'ol byang chub shes rab | 'a zha rgya gar brtsegs | rwa lo chos rab | steng lo ga rong tshul khrims 'byung gnas | pu rang lo chung grags 'byor shes rab rnams dang | tsa mi sangs rgyas grags | spong zho gsal ba grags | kher sgang 'khor lo grags | lding ri chos kyi grags te grags pa'i ming mtha' can bzhi dang | glang lo rdo rje dbang phyug | so lo tshul khrims gzhon nu | lo tsA ba bsod nams ye shes | lo tsA ba blo gros snying po | chag lo chos rje dpal | shud ke grags pa rgyal mtshan rnams kyis rgya gar paN grub rnams kyi mdun nas dus kyi 'khor lo'i chos skor gyi dbang lung man ngag bshad pa bcas so sor zhus te chos 'di legs par bsgyur ba'i bka' drin mdzad cing phal cher byin rlabs dang ldan pa yin yang rwa 'bro tsam mi chag lo'i lugs rnams ma gtogs gzhan rnams la brgyud pa ring du ma dar bar skabs su tsa chag lugs dar rab tsam byung la | de dag las rwa 'bro gnyis ni 'phrin las kyi sgo 'gran zla med pa yin zhing rwa ba la bshad bka' dang 'bro ba la sgrub bka' babs zer ba ltar don la'ang rwa lugs 'dzin pa gang dag la rgyud bshad shin tu dar zhing 'phrin las rgya che la | 'bro lugs pa rnams la'ang grub pa brnyes pa'i skyes chen ches mang du byung ba yin no | |
khyad par kun mkhyen jo nang pa chen po'i bkas bskul zhing gang gi rdo rje'i gsungs dang legs bstun gyi sgo nas rtsal 'gyur byin rlabs kyi tshan kha dang ldan pa'i chos rje'i thugs sras jo nang lo tsA ba blo gros rnam gnyis kyis legs bsgyur mdzad pa ste | 'di ni phyis kyi 'gyur gsar rnams kyi nang nas gtsug gi nor bu ltar ches mchog tu gyur pa'o | |
de las rang cag gi lugs ni 'bro lo tsA ba shes rab grags kyi 'gyur ltar nges don sgrub brgyud kyi srol nye bar 'dzin pa yin la | de nas rim par slob brgyud gnyis song mtshams su grub chen yumo mi bskyod rdo rje byon nas sngags kyi gzhan stong grub mtha'i srol phye | zhes grags pa'ang sngon gyi dus na rgyal ba sku bzhi'i dbang phyug gis 'gyur med rdo rje'i tshig gis gsang bdag gi rnam rol chos rgyal zla bzang sogs la sngags kyi gzhi rgyud dag pa rang byung dang po'i sangs rgyas gnas lugs don gyi dam pa kun tu bzang po kun gi bdag nyid rigs thams cad che ba'i bdag po bla med yang gsang gi zab gnad legs par phye ba nas bzung shambhala dang 'phags bod kyi chos rgyal rigs ldan gyi paN grub mtha' dag gi thugs kyi bcud du legs par bskyil te skal med rnams la bka' rgyas btab cing gsang ba'i tshul du zab don man ngag rgyud bshad dang bcas pa'i sgo nas de 'dra'i sngags gzhi don dam pa kun rdzob spros pas stong