[A:97] mo nyid yin pas tshul de ston pa nyid kyis 'bras spungs mchod rten du gsungs pa nas bzung rim par byang shambhala'i chos rgyal rim byon rnams nas brgyud de | slar yang 'phags yul dang gangs ljongs su legs par dar ba'i skabs kun tu yang sngags kyi gzhan stong dbu ma chen mo nyag gcig gnas lugs mthar thug tu byas nas de'i tshul rgyud bshad dang man ngag gis zab gsang gi gnad legs bkrol mdzad de gnas lugs ji bzhin mngon byed thabs mkhas kyi khyad par lam zab mo sgrub pa la rtse gcig tu gzhol ba'i nges don sgrub pa'i bka' babs shing byin rlabs kyi chu bo'i rgyun nam yang chad ma myong ba'i 'jug sgo ches khyad par du 'phags pa de ni rang cag gi skal ba dus su thob pa'i sngon gyi las 'brel yod pa'i bsod nams kyi zhing dam par nges shing |
1. dus kyi 'khor lo 'phags yul du dar tshul |
de yang dus 'khor chos skor shambhala'i rigs ldan gang gi dus nas 'phags yul du ji ltar dar ba'i tshul la chos rje jo nang pa chen po'i sku tshe'i stod la sngon byon rwa 'bro rnams kyi gsung sgros bskyar tsam las rang bzhed gsal kha med kyang sku tshe'i smad du rgyud 'grel gyi dgongs don dpyad pa mthar phyin pa'i rang bzhed la | spyir shambhala'i chos rgyal rnams lo brgya phrag re bzhugs tshul gsungs pa de yang sku tshe hril lo'i lo tshad ma yin cing seng ge'i khri la bzhugs te chos ston pa'i lo tshad yin la | de yang zla bzang sogs chos rgyal bdun gyi rjes nas rim par rigs ldan grags pa nas rigs ldan bcu pa rgya mtsho rnam rgyal gyis chos khrir lo brgya dang gya gsum dang de rjes rigs ldan bcu gcig pa rgyal dkas lo nyis brgya dang nyi shu'i ring chos bstan pa'i lo grangs de gnyis bsdoms la me mkha' rgya mtsho ste rigs ldan gnyis kyi chos khri'i lo grangs khyon sdom bzhi brgya dang gsum song |
de 'dra'i rigs ldan rgyal dkas chos bstan pa'i mjug gi cha la 'phags yul nas grub chen dus zhabs chen po rdzu 'phrul gyis shambhalar byon nas rigs ldan rgyal dka'i mdun drung du zab chos kyi sgo legs nod mdzad de rigs ldan bla mar ji tsam bsten gyi nges pa med kyang gdan sa'i dus rdzogs mtshams la thug gi bar shambhalar bzhugs nas me mkha' rgya mtsho'i lo grangs rdzogs mtshams de nas rab byung gi lo shar ba'i nang du dus zhabs pa chen los 'phags yul du dus 'khor gyi rgyud sogs spyan drangs pa yin no | |
2. dus kyi 'khor lo bod du dar tshul |
de nas de'i slob brgyud gsum pa paN chen zla mgon gyi dus su bod gang ri'i ljongs su bsod