[A:101] jo nang dang | bshad grwa la gsang phu ne'u thog gnyis bstan pa'i rgyun gang stong med par gnas yun ring zhes grags pa'ang don la gnas pa lta bu yin zhing | 'on kyang gsang phu ni phyis 'byung lo nyis brgya tshun la sa dge so so'i grub mtha' 'zin pa ma gtogs sngon gyi rngog lo yab sras dang phywa tshang logs pa'i gsang phu rang lugs kyi grub mtha' 'dzin pa med la | gnas 'dir ni lta grub nyams len rgyun gcig gi byin rlabs kyi drod tshan ma yal ba la bsre slad dang bral zhing | tshig gi bshad yam tsam du ma zad par sgrub pa snying po byed pa'i srol bzang gi rgyun ma chad pas dus kyi tha ma da lta yan la mdo khams 'di tshun gyi sgrub sde dgon gnas mtha' dag dar ba'i gzhi nye bar byas so | |
de 'dra'i gnas mchog der rang re'i sgrub brgyud nges don bstan pa'i dbu legs brnyes mdzad pa'i grub thob chen po zhang kun spangs kun tu bzang po nyid phyag phebs mdzad pa nas bzung rim par slob brgyud byang sems chen po dang | mkhas btsun chen po gnyis kyi rjes su rje khams gsum chos kyi rgyal po kun mkhyen rgyal ba gnyis pa jo nang pa chen pos rgyal ba'i dgongs pa mdo phyogs kyi dbu ma rang stong gzhan stong gi khyad dgongs 'grel byams chos dang thogs med mched kyi gzhung lugs la brten nas lges phye mdzad cing de yang gsang chen theg pa'i sngags kyi ye gzhi dang mthar thug dgongs gnad gcig pa'i tshul la sems 'grel sogs sngags kyi dgongs 'grel khyad 'phags rnams la brten nas zab gsang gi gnad de lugs ltar du gnas lugs bden pa'i don la mi bslu ba'i mkhyen spyan zab mos ji bzhin gzigs pa'i sgo nas bod ljongs gang ri'i khrod 'dir mkhas rlom phal mo che'i khong du chud dka' ba'i nges pa don gyi dbu ma rdzogs ldan chos mchog zab mo mdo dang sngags kyi gzhan stong gi srol khyad par ba mi 'jigs spobs pa mngon par mtho ba'i rlabs po che'i seng ge'i nga ro'i dbyangs kyis khyab brdal du rgya cher legs dar mdzad nas de lta bu'i mdo sngags zung 'brel gyi nges don dbu ma chen po'i brgyud pa'i chu bo gcig 'dus kyi shing rta'i srol 'byed rton pa bzhi dang ldan pa'i rigs ldan sprul pa'i sku de ni gangs can du 'gran pa'i zla dang bral ba'i snyigs ma'i dus kyi 'gro ba mgon med mtha' dag gi 'dren pa'i dpal nyag gcig tu gyur te jo nang gi gdan rabs byin rlabs don brgyud gnyis kar bzhugs pa'o | |
'di skor gyi rang re'i dam pa gong ma snga phyir rim byon rnams la gdan rabs dang don brgyud gnyis kar bzhugs pa dang ci rigs las mi bzhugs pa'ang yod la | de las gdan rabs rnams las rgyal ba jo bzang bas rgyal tshab 'dzin pa'i skabs na sde pa dol pas sku 'bum la dpe blang ba'i mchod rten khyad mtshar can bzhengs shing jo nang gi bstan pa'i sbyin bdag che ba byas shing |
de las rje drung kun dga' dpal bzang ni rje grol mchog gi sku rus gcig pa'i dbon du 'khrungs