[A:102] shing | de yang dgung lo bdun nas rab tu byung ste klog sogs bslabs | dgung lo bcu dgu'i dus nas dbus gtsang gi bshes gnyen du ma bsten nas mdo phyogs bka' pod bzhi dang sngags phyogs rgyud sde bzhi'i rnal 'byor bshad pa la thugs gnyer mdzad de ring min du mkhas gnas thob | khyad par rje grol mchog gi mdun nas snga phyi ci rigs su lam 'bras sogs zab bka' ches mang dang | lo chen gyi drung nas bka' 'grel sogs gsan nas nyams len zab gnad lhur bzhes mdzad | de nas re zhig gi tshe rje grol mchog gis dag zhing gzigs rjes | khong nyid la sde srid go gsum nas 'bul chas 'ja' sa bcas phul te jo nang gi gdan sar 'khod nas gzhan gdul bya ches mang po la chos bka' rgya che ba'i bka' drin mdzad nas de dag smin grol la bkod bzhin pa'i mtshams shig na rje gong ma'i yang sprul 'jam mgon kun dga' snying po dbus phyogs su 'khrungs pa de nyid khong gis gtsos | rdo ring ba | brag stod pa | dpon drung 'phan ne sogs bla tshogs mi sna drag sbrel bcas kyis chibs bsu dga' ston rgya che bas mchog gi sprul pa'i sku khri 'don mdzad nas re zhig bar khong gis rang lugs kyi zab chos kyi sgo mang po'i skyes 'bul dang bcas te mthar rang gi rgyal tshab tu sprul pa'i sku de nyid mnga' gsol mdzad nas rang lugs kyi bstan pa yongs rdzogs gtad de khong nyid dgung lo gya gsum steng naigu'i 'pho ba'i ngang nas mkha' spyod du gshegs |
de nas kun dga' snying po bkra shis rgyal mtshan dpal bzang po gang nyid kyis kun mkhyen rton pa bzhi ldan mchog gi nges don bstan pa yongs su rdzogs pa'i mnga' bdag byas te rang re jo nang pa'i sgrub brgyud gtsor gyur zab gsang gi bstan pa sgo thams cad nas bshad sgrub zung 'brel gyi 'dus sde ches mang po dang chos gzhi lha 'bangs bcas lugs zung gang thad nas re zhig bar mnga' thang dgung la snyegs par mdzad nas da lta'i rang cag gi rtsa ba'i bla ma'i bar du byin rlabs kyi zab chos rim par rgyun ma chad par byung ba'i bka' drin gzhal du med pa 'di ka ltar ro | | spyir ni kun mkhyen chen po yab sras kyi sku dus su nges don dbu ma chen mo dang dus kyi 'khor lo'i chos skor gtso bor gyur pa'i rang lugs mdo sngags kyi bshad pa dang sgrub pa'i rkang btsugs te dpal ldan sa skya pa'i chos bka' zab mo gtso che ba dang gzhan yang ris med kyi zab chos ci rigs pas mtha' brgyan pa'i tshul du rgyal bstan gyi snying po rmang nas 'degs pa'i mdzad sgo rlabs po che gnang bar mdzad cing | de rjes rang lugs kyi bstan pa man ngag ltar na dkyus su bkod pa ltar dang | gdan rabs ltar na kun mkhyen chen pos 'dul ba'i sde snod kyi bka' bab dkon mchog rgyal mtshan la gtad | des tshad ma'i bka' bab sa bzang lo tsA dang | des mngon pa'i bka' bab phyogs las rnam rgyal dang | des phar phyin bka' bab chos rje nas ye la gtad pa nas bzung phyis byon rje grol mchog dang yang sprul tAranAtha yab sras bcas kyis