[A:3] mchod brjod dang rtsom par dam bca' ba |
oM bde legs su gyur cig | | gang 'dul 'gro ba'i khams dbang rjes 'gro'i dpal | ngo mtshar lhun grub gsang gsum mdzad pa'i 'phrul | | ma lus zhing du rtag par yongs bkye ba | | bde gshegs thub dbang sras bcas rgyal gyur cig | |
stobs bcu mnga' ba'i dgongs zab zab mo'i gnas lugs mthar thug mchog | | mchog gyur skal bzang rigs kun kun nas rnam grol zhi bsil sbyin | | sbyin bdag rdzogs ldan chos legs legs pa'i phyir ldog mi mnga'i gtam | | gtam gyi snying po ji snyed don gsal mdzad mi pham mgon | |
rab dkar bsil ljongs nor 'dzin yangs pa'i gzhir | | nags rgyal rdo rje lha mos bsten pa'i gnas | | gang der rdzogs ldan chos mdzod legs phye ba'i | | chos rje jo nang pa la gus pas mchod | | gang de'i chos tshul nges don dbu ma'i lugs | | mdo dang sngags kyi dgongs don mthar thug pa | | 'phags pa'i yul dang gangs can bod ljongs su | | ji ltar 'byung ba'i rim pa mdo tsam brjod| |