[A:106] de nas re zhig gi tshe 'dul 'dzin dam pa shes rab dpal sogs mkhan slob grangs tshang gi drung du srid las nges par 'byung 'dod kyi bsam pas tshig snga ma dge tshul gyi sdom pa legs nod mdzad nas mtshan rin chen dpal zhes bya bar gsol |
de nas dgung lo bcu brgyad steng dbus gtsang du phebs te mkhas grub kyi skyes bu dam pa du ma'i zhabs la gtugs nas zab chos re zhig bar zhus skabs su mkhan chen byang chub rtse mos mkhan po dang gzhan slob dpon du 'os pa sogs kha skong dang bcas pa'i grangs legs 'dzom gyi mdun nas tshig phyi ma bsnyen rdzogs kyi sdom pa legs par zhus te gcig rjes gnyis mthud du byang chub sems sdom yang mnos pa nas bzung sha chang gi nyes dmigs thugs dgongs su bcings te sku tshe hril por sha dang chang gtan spangs byas pa ma zad gzhan mang po la de lugs ltar spong du 'jug pa'i gzhan phan rgya cher mdzad |
de dag gi skabs su dbus gtsang du chos ji ltar zhus na | sa bzang mati paN chen | chos rje phyogs las rnam rgyal | 'jam dbyangs blo gros | nya dbon kun dga' dpal | 'phrin las bzang po | byang chub seng ge | mkhan byng chub rtse mo sogs kyi drung nas sbyor ba yan lag drug cha lag dang bcas pa | 'grel chen dri med 'od | rdo rje snying 'grel | bde mchog bstod 'grel | 'jam dpal lta 'dod | don dam bsnyen pa ste sems 'grel yan lag bcas dang | byang chos sde lnga | thogs med kyi sa sde lnga dang | sdom rnam gnyis | dbyig gnyen gyi sum cu'i rab dbye | nyi shu'i rab dbye | las rnam 'byed pa | phung lnga'i rab dbye | rnam shes rig pa dang lnga tshan gcig | yang mdo rgyan 'grel pa | dbus mtha' rnam 'byed 'grel pa | rten 'brel mdo 'grel dang gsum tshan gcig ste byams pa dang 'brel ba'i chos sde nyi shu | gzhan yang mngon pa sde bdun mngon pa gong 'og dang bcas pa dang | tshad ma sde bdun tshad mdo dang bcas pa | 'dul lung sde bzhi gzhung 'grel dang bcas pa sogs mdo rgyud bstan bcos man ngag bcas gsan bsam rang byan tshud de thun mong dang thun mong ma yin pa'i lam gang dag la tshul ji bzhin goms par byas pas thugs rgyud 'dres nges kyi nyams myong gi sgo yang phan tshun 'gran pa lta bu'i ches kun nas rgyas pa dang | gzhan yang 'bri gung lo tsA | chos rje chos dpal mgon po sogs kyi drung nas kyang 'phreng ba skor gsum | gshin rje gshed skor | yo ga bya spyod man ngag bcas gsan te tshegs chung ngus thugs su chud par mdzad de 'di dag gang thad nas kyang sngon goms bzang po'i dbang gis lan re gzigs tsam gyis gzhan phal pa gang las ches khyad par du 'phags pa'i gzhung lugs kyi don thugs su chud stobs che ba khyad par drang nges ji bzhin gzigs pa'i shes rab mchog gis rang stong gzhan stong gi lta ba'i gnad la nges shes zab mo 'khrungs nas mdo sngags spyi la mkhyen pa'i sgo rlabs che ba rgyas te byams pa 'jam dbyangs klu sgrub sogs shing rta chen po gang dag gi dgongs pa'i don