[A:107] dpyis phyin par thugs nyams su bstar nas phyi nang gi rig pa'i gnas mtha' dag la sgro 'dogs chod nges kyi mkhas grub gnyis ldan ches mchog tu gyur te | de dag ni bshes gnyen las mang thos btsal te zab don thugs la legs 'byor gyi skabs te gnyis pa'o | |
de nas dgung lo sum cu bzhes pa'i steng tsam na kun mkhyen phyogs rgyal ba sogs dge ba'i bshes gnyen rdo rje 'dzin pa gtso che ba gang dag gi zhal nas da ni sngon chos rje mchog gis lung bstan bzhin khyod khams phyogs su phebs dang sgo gang thad nas bstan 'gro la phan thogs 'byung nges lags pas deng skabs khyod la rten skal du bka' gdams mchod rten cig dang chos dung zhig yod pas de dag bong bu la 'gel bzhin mdo khams phyogs su legs phyin mdzod dang nam zhig bong bu gar nyal dang dung dkar rang grags kyi dus na khyod gtan du sdod gnas rang re'i nges don gyi bstan pa'i chos gzhi'i dgon sde 'debs gnas su sa cha de nyid kyis mdzod dang bstan 'gro la phan pa yun du 'byung ba'i bka' lung gsal po yod tshul zhib rgyas su gsungs te bka' pod bzhi'i gzhung lugs kyi don la gzhi nas byang chub pa ma zad mdo sngags kyi gzhung lugs rab 'byams smra ba'i spobs pa kun nas gzengs mtho bar gyur te | skabs de mtshams nas kyang drung dka' bzhi rin chen dpal zhes pa'i mtshan snyan gyi grags pa rgyas bzhin khams phyogs su rim par phebs pa la chas pa ste | de yang mdo khams smad phyogs su gnya' ri chos rdzong sogs dgon sde du ma chags 'debs dang zhal bdag mdzad pa mang tshod du 'dug kyang lo rgyus zhib mo'i khungs ma rnyed | de las khams 'dzam thang phyogs la chags phebs mdzad tshul stod dbus gtsang nas sngar bzhin bong bu khal bcas ded de 'jam dpal mtshan brjod zhal 'don mdzad bzhin rim pas phebs pa na 'dzi ka'i 'dzam thang gi thad kyi pha ki bag rges leb zer ba'i gnas der thon tshe sngar gyi lung bstan bzhin bong bu nyal zhing dung dkar rang grags kyi mtshan rtags dang zhal 'don gyi tshig mtshams kyang | chos kyi rgyal mtshan legs par 'dzugs | | zhes par thon yod phyir khong gis gang ci'i thad nas rten 'brel bzang po'i dge mtshan du mkhyen nas der zhag mal byas te phar phyogs kyi dam lha'i thang der bon dgon chags pa la lham zhig phar skyes su bskur lan tshur stan dkar gyi gdan zhig legs 'bul byas pas gnas der khong bzhugs nas bon rnams gzhan du 'gro ba'i rten 'brel 'grig |
de nas drung dka' bzhi pa ni 'phrin las rnam bzhi la mnga' brnyes pa yin pas khong gis pha rol gyi bon rnams la nangs snga mor thabs tshul drag pos bka' bsgo ba | khyed cag gnas 'di nas myur du ma song na stobs chen dmag dpung gis bskrad par bya'o | | zhes gsung gis khyab bsgrags byas shing sprul pa'i dmag dpung gi skya rjes ches mang po grong gseb kun tu snang ba sogs 'jigs gzugs kyi rnam par