[A:108] 'phrul ba du ma nye bar bstan pas de'i mthu ma bzod pas bon rnams myur nas sa bud yul gzhan du bros song |
de rjes su khong nyid 'dzam thang gi gnas der phebs nas nges don gyi chos gzhi dgon pa chags 'debs pa'i dbu 'dzugs legs bsgrigs kyi sgo nas (spyi lo 1425 |rab lo 7.39 ) shing mo sbrul gyi lo la dpal 'dzam thang gi chos sde rgyas che legs bkod kyi khyad par dang bcas dbu brnyes gsar pa'i dpal yon shar te nges pa'i don gyi bstan pa zab mo'i gzhi tshugs nas bshad sgrub zung 'brel gyi che ba sgo kun nas rgyas pa'i mdzad bzang gis khams phyogs rmongs mun gyi yul gru 'dir theg mchog rdzogs ldan gsar pa'i chos kyi 'od snang cir yang brdal bas snga na med pa'i dge mtshan rlabs po che skye dgu'i bsod nams kyi zhing du rnam pa kun nas tshad bzung dang bral ba'i ngo mtshar khyad 'phags mchog gi gnas su gyur te | dgon sde | rten khang | chos ra | 'du khang | rgya phibs | lcags ri sogs phyi nang gi khyad bkod mtshar che ba dang bcas dge 'dun 'dus pa'i sde tshogs kyang de lugs bzhin rnam dkar 'khor gsum stobs che bas dus nye bar 'da' bzhin 'phel kha dbyar gyi dga' tshal la 'gran 'os su gyur nas yun ring khong gi zhabs pad 'jig med rdo rje'i khri la brtan pa nas bzung 'gro phan rgya che ba'i thugs sras kyi mchog rags bsdus tsam brjod na | nyid kyi rgyal tshab mkhas pa'i dbang po bla ma dpal sku mched zung dang | mkhan dkon mchog rgyal mtshan | tshes bcu'i ratnakIrti | a rge nyi ma 'od zer | yo bo nam mkha' dpal | rag khrom kun dga' dpal | tshad ma pa rgyal ba bzang | kha sar nyi ma rgyal mtshan | sems dpa' nam mkha' rgyal mtshan | ga gzha' rgya bo | a 'bol rgya bo | 'jam dbyangs rin rdor | khri smon bkra shis dpal | chos rje gzhon nu rgyal mtshan | kun spangs ye shes rgyal mtshan | seng ge rgyal mtshan | bla ma bkra shis rin chen sogs mkhas shing grub brnyes kyi skyes bu dam pa du ma dang dge slong gi dge 'dun rab tu byung ba'i rtags kyi rgyal mtshan legs par 'chang ba ches mang zhing 'dus pa stong phrag gi grangs su longs pa rgyun du 'tshogs te lung rtogs kyi bya ba rlabs chen kun nas spyod pa 'ba' zhig ste | gzhan yang skye bo'i tshogs stong phrag du ma la rang rang gi skal ba dang 'tshams par thun mong mdo phyogs kyi gzhung lugs dang thun min gsang sngags kyi dbang bskur rgyud bshad man ngag sogs sgo gang thad nas chos char zad med legs phabs mdzad pa'i 'phrin las kyi 'jug pa rgya che zhing |
de yang mdo sngags kyi gzhung lugs gang 'chad tshe rgyal ba'i dgongs pa drang nges bden gnyis kyi tshul la mkhas shing rnam par dag pa'i legs par bshad pa mchog gis mkhas mang rgya mtsho'i rna ba'i dga' ston 'gyed pa rmad byung lung dang rigs pa che rno bas rang lugs 'jog pa'i rtags sbyor yang dag dang pha rol rgol ba la rtsod pa'i thal 'phreng bzlog med kyis lta ba ngan pa'i som nyi kun nas gzhom par