[A:111] rje ngar dag la mchod lha bzhi rnams byon | gsung rten dbyangs gsal gyi yi ge dod pa'i rus bu du ma dang | thugs rten dung dkar gyi rnam pa'i ring sogs dang gzhan yang che 'bring chung gsum gyi ring bsrel ril ma 'od 'tsher ba ches khyad par du 'phags pa mang po byon pa sogs ngo mtshar legs tshogs kyi mtshan ma rang re'i dam pa gong ma rje jo nang pa yab sras kyis dag zhing gzigs tshul dang kun nas mnyam pa'i ngo mtshar rnam par 'phrul ba dpe bral gyi mdzad sgo nye bar bstan nas gdung rten sogs legs bsgrubs bgyis pa'o | | de dag ni tha mar mdzad pa'i tshul gyi skabs te lnga pa'o | |
de ltar skabs don lnga pa'i mdzad tshul gyi rnam par thar pa nyung bsdus sa bon tsam grub pa'i rigs ldan gyi sprul pa mdo khams smad kyi nges don bstan pa'i mnga' bdag che ba dpal 'dzam thang bsam 'grub nor bu'i gling chags 'debs mdzad pa po drung dka' bzhi rin chen dpal gang nyid kyis bstan chas 'phrin las sgo rab tu yangs pa legs bskyang mdzad pa'i dus skabs na dbus gtsang gi rang re'i chos sde ri khrod jo nang dpal du gdan sa mdzad 'phrin skyong mkhan 'jam dbyangs dkon mchog bzang po yin zhing | 'di dag dang dus mtshangs sa skya'i sngags 'chang ngag dbang grags pa rgyal mtshan | rje tsong kha pa'i dngos slob mkhas grub dge legs dpal yab sras | dge 'dun grub sogs dang | bod ljongs 'dzam gling rgar ba rgyal dbang karma zhwa nag pa na rim drug pa mthong ba don ldan dang | bdun pa chos grags rgya mtsho'i sku dus dang | zhwa dmar gsum pa chos dpal ye shes sogs dang | gnam bskos gong ma tA ming rabs yung lo rgyal po dang | bod kyi dbang 'dzin phag gru'i brgyud pa hwa wang grags pa rgyal mtshan sogs dang dus mtshungs tsam du mngon |
mdo khams 'dir nges don sgrub brgyud kyi chos sde 'dzam thang dgon 'di thog mar chags 'debs kyi dbu brnyes tsam na khams phyogs dgon sde grags can gzhan mang po las snga shos kyi dus skabs te khams sde dge dpal yul rnam rgyal gling sogs grags pa che ba'i dgon sde 'ga' phyis lo mang po song rjes nas chags 'debs byas pa yin zhing | byang phyogs kyi dge lugs pa'i dgon pa bla brang bkra shis 'khyil sogs dang | lho kha'i sngags rnying phyogs kyi dgon pa bser lha tshe dgon | rtsang mda' | 'jang sgang | shug sgang dgon sogs kyang phyis ring mo zhig nas btab pa kho na'o | |
drung dka' bzhi pa khong gi thugs sras slob ma mchog gang dag gi sku brgyud phal che ba dang | nyid kyi sku brgyud 'ga' re dang bcas pas nges don gyi chos sde 'di ring mo nas da bar legs bskyangs kyi bka' drin mdzad sgo rgya che ba'i phul byung gi rnam thar shin tu ngo mtshar ba'i gnas gang dag gi cha 'dir cung tsam bsdu ba la thog mar thugs slob mchog mkhas shing grub brnyes kyi skyes bu chos rje rgyal ba bzang dang | tshes bcu ratnakIrti dang | a rge nyi ma 'od zer gsum gyi sku brgyud gang dag gis 'dzam thang