[A:112] dgon 'dir phan pa'i bya ba rlabs che ba ci rigs mdzad cing | chos rje gzhon nu rgyal mtshan gyis kyang 'dzi stod du nges don sgrub brgyud kyi chos gzhi dang bcas bstan 'gro'i don la mdzad sgo mi dman zhing nyid kyi sku brgyud 'ga' res 'gro phan che ba byung tshul yod na'ang 'di'i lo rgyus kyi khungs rnyed dka' bas re zhig spro mi nus la | gong ma gsum las kyang ches mdzad rgya che ba ni rgyal ba bzang ste | spyir na de gsum gyi lo rgyus ci nus re 'dir yang 'god pa la |
(2) 'dzam thang chos rje sku phreng rim byon gyi lo rgyus |
chos rje sku phreng dang po rgyal ba bzang po |
1. thog mar drung dka' bzhi pa chen po'i thugs kyi bu chen chos rje rgyal ba bzang gang nyid ni | 'dzam thang gi chos gzhi 'di la ches mdzad 'phrin ngo mtshr ba'i sgo du ma nas bstan 'gro la sman pa'i legs sgo rgya shin tu che ba'i spyod rlabs gzhan gang gis 'gran zla dang bral bas ji bzhin nges par skyong ba'i g.yar dam nam yang mi lhod pa'i 'gro 'dren mchog gi skyes chen dam pa ste | de yang don gyi yin lugs la sngon tshe bskal pa ches ring mo'i dus kyi gnas skabs shig tu rgyal po yul 'khor bsrung gi sras su 'khrungs te sangs rgyas rnam par snang mdzad kyi drung nas byang sems dzA ya me dris byang chub mchog tu thugs bskyed nas nam zhig bskal bzang rnam 'dren lnga par lung bstan thob pa de nas bzung dag chen gyi mdzad pa rlabs chen nye bar spyod pa'i tshul rgyal tshab mi pham pa nas rim par gdul bya rang snang dang 'tsham pa'i rnam bkod phyogs gcig gi thun mong ngor yongs grags rang re'i kun mkhyen jo nang pa'i thugs slob mchog gyur sa bzang lo tsA'i bar gyi mdzad tshul bstan nas dus kyi mthar gangs ljongs kyi sa char gtogs pa mdo khams smad kyi phyogs su der gnas kyi snyings 'gro ches mang po'i mgon skyabs su las dang smon lam gyi mthu nye bar grub pa'i tshul yang | mdo smad kyi gtogs rgyal rong gi yul grur gnas pa'i skye bo dmu rgod dag gdul zhing du gzigs nas bzhag shod dpal mo 'dzoms zhes bya bar rigs rus gtsang pa'i yab yum gyi sras su ( spyi lo 1419 | rab lo 7.33 ) sa mo phag la ngo mtshar ltas bcas sku 'khrungs |
dgung lo brgyad tsam nas klog sogs rig gnas 'ga' sbyang brtson mthar phyin | de nas rim pas sngon sbyangs zab mo'i mthu las chos la don gnyer gyi blo mig yongs su rgyas par brten 'dzam thang bsam 'grub nor bu'i gling gi chos grwar phyin te rigs ldan drag po dge ba'i bshes gnyen mchog gi zol la brten pa drung dka' bzhi pa chen po'i zhabs drung du bsnyegs nas gang nyid spyi bos bla mar bkur te thog mar rab byung tshig snga phyi'i sdom pa rim pas legs mnos mdzad nas mi pham rgyal ba bzang po zhes