[A:113] pa'i mtshan gsol | de nas bla ma mchog gi drung du chos la thos bsam gyis zhugs te sdom gsum blang dor rab gsal spyod 'jug sogs nas bzung mdo phyogs bka' pod lnga la rim pas gsan sbyang mthar phyin mdzad | de nas dbang lung zab mos rgyud sbyang bzhin dus 'khor rtsa 'grel sogs sngags kyi bzhung lugs phal mo cher bslab sbyang nan tan gyis mkhas pa'i gnas thob | de nas rang re'i me tog lha bab kyi chos skor dus kyi 'khor lo'i bskyed rdzogs gtso bor gyur pa'i zab gsang theg pa'i man ngag gis nyams len la gnad smin bgyis pas rim gnyis kyi rnal 'byor gnad la thebs te sgom pa'i klong du gyur nas grub 'bras kyi rtags mtshan khyad par ba kun gyi snang ngor legs par mngon pa'i grub pa mchog gi go 'phang la slebs shing | gzhan yang bzhes gnyen du ma las gsang chen rgyud sde rgya mtsho'i dbang lung man ngag bshad bka' mtha' klas pa nod de zab don nor bus thugs mdzod legs rgyas byas mthar | bla ma drung pa rin po che'i bka' bzhin rgyal tshab dam pa'i khri la mnga' gsol gyi sgo nas 'dzam thang chos sde'i dge 'dun pa yongs la rang rang dang 'tsham pa'i zab bka' rgya cher stsal cing khyad par bka' pod kyi gzhung lugs lnga'i mtshan nyid kyi 'dzin grwa btsugs te yang sgos tshad ma mdo sde bdun bcas la rtsal thon gyi rigs lam ches bzang pos mdo sngags mtha' dag gi zab gnad gting dpog pa'i lugs srol pad mo'i 'phreng ba ltar gtsang zhing dri ma med par ga dar legs 'byed kyi dgag bzhag ha cang rno bas khong la tshad ma pa rgyal ba bzang zhes grags pa'i mtshan snyan khyab brdal du song |
de 'dra'i mdzad bzang gis lo 'gar chos grwa bskyangs mthar snyings dus 'dir bshad pa bas sgrub pa gtso che ba la dgongs 'dun bzhes nas ri khrod dben ri 'grim ste bya btang rnal 'byor gyi ngang tshul bzung nas thugs sgrub pa rtse gcig pa la kun nas gzhol bar gyur te | de lugs ltar khong nyid nges med kyi sgrub gnas rnams su legs phebs mdzad nas sgrub pa la rtse gcig rim pa lhur len gyi skabs re zhig rang yul dang nye ba'i gnas shig na bzhugs pa'i dus su nyin cig tu khong gi sgrub gnas kyi mdun thad pha gi na pha bong zhig yod pa'i rtsar skya mi mdung dar can zhig glo bur du thon te mdung rting gis pha bong la brgyab pas de'i zhabs nas mi nag po zhig thon byung ba la tshig 'ga' zhig bshad nas gnyis ka gar song cha med par yal nas thal ba na | khong nyid pha bong rtsar phebs te phyag gis mtshan mar bcing ba'i rdo rje pha bong la brda byas pas slar 'ong ba'i mi nag gnas bdag de la | yin lugs dris tshe | khos da gzod 'ong ba de bzhag ra sman rtses mngags pa red | kho bo dam can mgar ba'i rigs yin pas rang la gnam lcags rjes rigs ches rno ngar can bzhu brdung gi nyer mkho byed dgos pa'i bka' phebs byung ba lags | zer bas | khong nas de dgos pa gang gi ched red | gsungs pas | de na re sang nyin yul 'di'i ser bsrung la 'phen pa'i ched du'o | | zhes zer nas de yang mi snang bar song |