[A:115] bar du stod phyogs nas mi dbang zhig gi bu mo bag mar bskyal ba'i chu chen la brgal lam du mi min gyis gnam lcags phabs pas bu mo de'i mgo bo bcad de bsad song ba de'i mgo g.yu byur spos shel sogs kyi rgyan ha cang che ba de nyid chus khyer te 'ong bas khong gi phyag tu 'byor | phyis su gdung rten la g.yu byur sogs de dag gis phra rgyan byas pa da lta mjal du yod ces grags skad |
de nas khong nyid rang gnas sgrub phug tu phebs te yun ring bzhugs skabs su sngar ser bas lo thog bcom pa'i skyin pa 'bru rigs 'bul rgyu khas blangs pa ltar de phyin yun ring bar bzhag ra'i rtsar brag gshong du nas mang po mi su yin kyang len du yod pa kun gyi mthong thus su gyur pa ltar ro | |
de sogs ngo mtshar ba'i grub rtags dang bcas nges med kyi bden gnas rnams su sgrub pa snying por byas nas bzhugs pa ste | sgye ma'i gnas mdun du bzhugs skabs | khong gis sngar mchod rten chen po zhig ri ngos mtho sar bzhengs pa de ma yum gyi bskor thag ring drag pas de mi bde gsungs nas sku gzan gyis khur te chu khar bskor thag nye sar phab ste bzhag pa da lta'ang yod | mchod rten 'di'i tshad med steng nas shug sdong ya mtshan pa rjes sor skyes nas deng sang yod pa de chos rje'i bla shing du grags |
yang ldan cig 'dzi stod du phebs te dgon leb kyi ma mthar ba g.yag mtsho zhes pa gzhung lam la yar mar rgyu 'grul la gnod 'jigs rngam pa'i rang bzhin du yod pa de nyid mtshan gcig la chu gnas dang gnas bdag kun gyis ku co lhang dang bud med kyis khyi 'bod sogs sgra sna tshogs dir dir sgrog pa nye 'khor na yod pa dag gi mngon sum gyis thos bzhin par lung pa de'i ngos gcig nas brgyud de lung phug gi rdza ri'i khrod du bskyil nas ba g.yag mtsho deng sang lung stod rdza ris bskor ba na yod pa 'di ga ltar dang | mtsho yar khrid pa'i shul la mtsho shul 'phongs zhes da lta'i bar du grags pa yin zhing | mtsho khrid pa'i phyi nyin shul rnams su sram la sogs pa'i chu gnas 'ga' re'i ro der gnas dag gis rnyed zer ba'i bshad srol yang yod | yang de dang ha cang mi ring bar tsha kha'i ri btsun rdo rje drag mo rgyal gyi sgrub gnas su bzhugs skabs rnam 'phrul bkod pa'i sku rtsed kyis shar phyogs rdza re'i rtse la mda' 'phangs pas rdza ri'i rtse 'bug pa'i lam seng bu ga khra sgor ba deng skabs mthong yul du yod pa ltar dang | gnas der mtsho gcig yod pa'i nang du mar me 'od dkar gyi snang ba can gter du sbas pas nyin mtshan kun la 'phel 'grib bral ba'i dkar sgor re ba phyogs gcig na rtag par gsal 'tsher du yod pas mtsho de'i ming la da lta mtsho dkar ma zhes grags pa ltar ro | |
gzhan yang pha bong che ba thog brtsegs dang a nar dang ba g.yag mtsho gnyis rgyud gcig pa'i tshul du dngos rdzas phan tshun skyel 'dren mdzad pa sogs deng skabs kyi bar du phal cher mthong yul thun mong du yod pa'i grub rtags mang du bzhugs pa'ang yin no | |