[A:116]
chos rje 'dis nges don sgrub brgyud kyi chos gzhi'i dgon chags 'debs mdzad pa'ang | gtso bo bzhag shod kyi dgon pa lnga zhes grags pa ste | pAla bzang ldan dgon | khang gsar dgon | dpal ldan bkra shis sgang | mtsho bdun lha khang dgon nam tsag dge ba dgon | 'bo wa 'bro'i dgon dang lnga | de dag las gyes pa | shu mda'i dgon | ya mda' dgon | yo mda'i dgon | sa ra dgon sogs dgon phran kyang mang tsam yod | dgon gnas da dag gis gtsos gnas so sor sku gsung thugs rten grangs mang dang | khyad par mchod rten brgya rtsa yang bzhengs par grags la | nyid kyi thugs slob yang sngar drung dka' bzhi pa'i mdun nas phan tshun mched grogs dang bu slob tu gyur pa | tshes bcu ratnakIrti | chos rjes gzhon nu rgyal mtshan | khri smon bkra shis dpal | 'jam dbyangs rin chen rdo rje sogs mkhas grub dam pa du ma dag dang | gzhan yang bla ma khro bcu pa | o rgyan rin chen sogs bstan 'gro'i dpal gyur mang po dag byung la | khong gi sku tshe smad du rgyal rong bzhag ra sman rtse'i ngos chos 'byung nam mkha' rzong du sgrub gnas mdzad de yun ring bzhugs | de dus kyi skabs shig la 'dzam thang du tshes bcu ratnakIrtis mchod rten bkra shis sgo mang bzhengs grub nas khong la rab gnas dgos tshul zhus tshe sgrub gnas de ka nas ya mtshan pa'i rab gnas dang rten la mchod pa'i ched sku chos legs 'bul byas pa na 'dzam thang gi mchod rten de nyid kyi chos 'khor rtse dar dpyangs kyi tshul du cod pan ser zum mer gsol ba der gnas kyi thun mang gi snang ngor mthong ba'i chos su gyur te rjes sor de lugs kyi rten 'brel mtshon byed mchod rten dag gi chos 'khor la ser rtsi gsol ba'i srol ka da bar byung ba yin zhing | de sogs grub pa'i rtags ngo mtshar ba'i lo rgyus ches mang na 'dir de tsam las khungs ma rnyed |
chos rje gang nyid kyis mdzad pa'i gsung rab sna tshogs pa yang ches mang tshod du 'dug kyang da lta dpe rgyun mtshan tsam las mi bzhugs la | de lta bu'i rlabs po che'i mdzad bzang zla dang bral bas bstan 'gro yun ring du bskyangs te mtha' 'khob mun yul gyi skye 'gro gang dag la 'di phyi'i legs tshogs kyi gzhi gcig pu rgyal bstan snying po'i chos kyi nyi ma dus su legs par shar ba'i dga' ston mchog 'gyed pa'i 'dren pa skyabs kyi dam pa khong nyid dus su bsod nams kyi bla ma'i skal bar thob pa ste | khong gi sku tshe mtha' tsam gyi dus re zhig gi tshe spyir na mthu chen dkar phyogs skyong ba kun gyis khong gi bka' las 'da' nam yang mi nus shing khyad par bka' yi 'phrin las la mi 'da' ba'i g.yar dam bzhes pa bzhag ra sman rtse bka' blon yang 'khor bcas yin pas de lugs ltar khong nyid kyis zhal snga nas gsung ba | nyin cig bzhag ra lha rtse la 'u cag tshe gang po'i yon mchod yin pas da lan khyed kyi rang gzugs ji bzhin pa de ston cig ces bka' bsgo ba na | lha rtse na re | rang gzugs ji bzhin bstan pas dam tshig la