[A:119]
de nas mkha' 'gro gsang ba dang mnyam du bod phyogs su phebs nas bar srid pa'i sems can mang po zhig gi sdug bsngal 'khrul ba bsal te kun kyang dag pa'i gnas su spar nas 'dren par mdzad | de nas mkha' 'gros da skye srid tshol cig gsungs la ltar gtsang gi phyogs su skye ba bzung nas lo shas su 'gro ba'i don mdzad pa ste | de yang sems dpa' mchog gi rnam 'phrul bsam gyis mi khyab pa dang sems can gang dag gi las tshul bsam gyis mi khyab pa yin pas skad cig bskal par snang ba dang bskal pa skad cig tu snang ba sogs tshur mthong gi blo gros spyod yul las 'das pa'i snang tshul sna tshogs pa yod pa'i dbang gis 'di skor dang skabs ci rigs par bod phyogs su bstan 'gro la nges par phan pa'i mdzad sgo can rnam par 'phrul bas mkha' lam du byon te dung 'bud bzhin byed la skor ba byed pa'i khyad 'phags kyi mdzad mnga' dge slong dpal bzang po nas bzung rim par padma'i snying po can | dge slong rin chen tshul khrims rnams kyi skye ba bzhes te bstan pa dang sems can la rang rang dang 'tsham pa'i phan bde spel bar byas mthar nangs cig gi tshe u rgyan nas byon pa'i mkha' 'gro'i gtso mo sku mdangs dmar nag tu 'bar ba gri thod 'dzin pa can gyi zhal lung las | khyed nyid 'dir bsdad na bstan 'gro'i don mi 'ong bas re zhig khams su byon dang bstan dang 'gro la sman par 'gyur ro | | zhes gsungs pa bzhin thabs tshul sna tshogs pa'i skye srid 'ga' zhig gi mthar gu ru padma'i lung bstan bzhin padma nyid kyi rnam par rol pa las byung zhing sngon 'brel zab mos mkha' 'gro gsang ba ye shes dang nam yang 'bral med kyi grogs dang bcas mdo khams smad kyi rdo rong du thugs rje'i legs smon dus su smin te don gyi yin lugs na rgyal tshab byams mgon dang 'phags pa ye shes dbang po zung gi dgongs chen gyi dbyings gcig pus bsdus kyang rnam pa mi'i sha tshugs sprul pa'i sku 'gro 'dren dam pa'i gzugs su rnam par bzhad pa ni chos kyi rje rgyal ba seng ge dpal 'byor bzang po ste | khams phyogs 'dir sku 'khrungs pa'i tshul | chos sgor zhugs nas dam pa bsten tshul | zab chos kyi sgo nod nas nyams su blangs tshul | gzhan gdul bya rjes su bzung tshul | bstan pa'i sbyin bdag du mas zhabs 'degs byas tshul | rnam dkar mdzad sgos rten bzhengs dang chos sde btab tshul | bstan 'gro'i bya ba re zhig mthar phyin pa'i tshul rnams chos 'byung gzhung gi dkyus su rags bsdus tsam bkod zin pa las slar yang 'dir ma 'dus pa rnams skabs skabs su rim par brjod na | spyir chos 'byung gzhung gi stod char bshad pa'i 'phags bod kyi bla ma dag gi rnam thar ni yongs grags che ba so sor yod pas 'dir rgyas par ma byas la | snad char bshad pa gang dag ni de 'dra yongs grags min pas phal che ba'i lo rgyus spyi tsam yang go dka' bar bsams nas 'dir de lugs ltar chos 'byung smad kyi cha gsal byed kyi kha skong gtso bor bshad par bya ba yin te | tshul de ltar na chos rje rgyal ba seng ge gang nyid dgung grangs re