[A:121] rtogs pa'i lam bzang gis gdul bya rgya mtsho lta bu 'khor ba phra rags las sgrol bar mdzad pa'i kun rdzob kyis bsdus pa kun kyang sgyu ma lta bu'i ngang tshul gyi sgo nas gzhan phan rlabs che ba can du 'gyur tshul gyi phyis 'byung gnas skabs tsam gyi rnam thar gsungs pa dang |
gnyis pa mthar thug gi go 'phang mngon du byed tshul yang | ji skad du | de nas legs byas nyer brten pas | | phyogs bral nam mkha'i khyon yangs la | | mchod 'os shing rta'i smon lam khar | | yid mkhar 'od stong drwa ba drangs | | srid pa'i nags su grol ba skad | | mun 'dzom rgyal po dga' byed kyi | | kha don ldan pa'i khang bzang rtser | | mchod pa'i ya mtshan ci yang smad | | zag med spyan ldan 'phags pa gang | | srid 'di'i phun tshogs legs 'byung gzhi | | bstan pa'i go 'phang mchog bgrod lam | | rgyal ba'i thugs klong bde bar bskyil | | zhes de lta bu'i gzhan don rlabs chen mdzad rjes nas khong gis rim pas byang chub mngon du bya bar 'gyur ba yang nam zhig thugs dri bral chos dbyings ye shes chos kyi sku ji bzhin rjen par mngon du gyur pa na gzhi dbyings de nyid las ma g.yos bzhin mkha' las nyin byed shar ba ltar longs sprul gyi gzugs sku rang gzhan gyi snang ba gang 'tsham dang mthun par 'bad med lhun grub tu rnam par dag pa'i mdzad chen gyi snang bas zhing rab 'byams kyi rgyal ba sras bcas la dgyes pa bskyed cing ma lus pa'i gdul bya gang dag gi re 'dod ji bzhin skong ba'i mthar thug zag bral gyi mkhyen spyan mchog gi mnga' bdag sangs 'phags sku bzhi'i dbang phyug gi go phang du son tshe srid zhi'i phun tshogs kyi 'byung sgo bstan pa'i rgya mtsho'i bdag rkyen mi slob ye shes chen po thugs klong du mngon du byas pa'i don gnyis mthar phyin skye dgu yongs kyi 'dren par gyur pa'i mthar thug gi rnam par thar pa ji bzhin gsungs pa ltar ro | |
de nas khyad par da lta 'brel ba'i rnam thar cung rgyas su bstan pa la | khong nyid ljongs 'dir byon tshul dang | da ltar gyi rnam thar dngos gnyis las |
dang po ni ji skad du | thub pa'i ngur smrig thun mtshams kyi | | dmar 'od 'di na nam bsdus slar | | dkyil 'khor mgon po'i cha shas kyi | | yar tshes gang sku zhun ma'i khams | | ri bong mtshan ma yongs su 'dzin | | brgyud 'dzin nam mka'i khams dbus na | | rgyu skar gsum pa'i me tog tshom | | rig 'dzin rgyal gyi mdangs dang bcas | | rnam par bkra ba'i rgyan 'di phul | | zhes yul gru 'dir thub pa mchog gi rjes 'jug rab byung gi sde nyams dma' ba'i skabs su yang dag chos kyi zla ba lta bu khong nyid dang brgyud pa'i slob tshogs skor tshogs dang ches mtshungs pa'i bslab gsum gyis mdzes shing sngags rig 'dzin pa'i sde gang dag mdo smad du bsod nams kyi zhing dam par che bsngags mdzad pa ltar yin la |