[A:122]
gnyis pa da ltar gyi rnam par thar pa dngos la | rang snang thun min gyi rnam thar dang | gzhan snang thun mong gi rnam thar gnyis las |
dang po ni ji skad du | chos rnams thams cad nam mkha'i rang bzhin te | | ye shes rang bzhin mkha' khyab mtha' dbus bras | | rnam 'phrul 'jug pa'i 'gro phan gzhal du med | | bsam gyis mi khyab ye shes gcig la 'jug | | 'khor 'das chos rnam rang sems gnyis su med | | brjod bral ma 'gag rnam pa gzugs su 'char | | rang ni snang ba chos nyid mngon gyur pa'i | | rnam thar smra bsam brjod bral bsam yas 'di | | sems can rang rang nyer 'tsho ma 'dren pas | | rtog bral rgyal ba'i 'phrin las de dang mtshungs | | dbyings dang rnam 'phrul thugs rje tha dad kyi | | 'od stong snang ba'i rnam grangs sna tshogs kyis | | so sor 'jug bya smin dang byed las shes | | de ltar spros kyang rang bzhin 'das mdo kyang | | zhes don gshis lugs kyi bla ma'i sku'i rnam thar ni spyir snang grangs kyis bsdus pa'i kun rdzob kyi char gtogs thams cad ni rang bzhin stong pa nam mkha' ltar gyi brdzun pa 'bab zhig la gzhis de nyid gdod nas rang byung du yod pa'i don dam chos sku ye shes chen po kun khyab mtha' bral gyi gnyug ma chos nyid bde gshegs snying po yon tan lhun rdzogs kyi bdag nyid de don dam chos sku'i nges pa don gyi bla ma yin la | de ni dus gsum rgyal kun gyi gsang ba'i spyi dpal du ye nas bzhugs phyir gsang ba gsum gyi mdzad bzang nam mkha' dang mnyam pa spro zhing sdud pa'i gzhi nyid du gyur te 'khor 'das gyi rang bzhin dwangs ma mthar thug don dam rnam pa kun gyi mchog dang ldan pa de nyid ji bzhin mngon gyur gyi gsang gsum gzhi 'bras dbyer med kyi che ba rnam thar ni brjod bral bsam pa'i yul las 'das par ma zad | de la brten nas sems can rang rang dang 'tsham pa'i nyer 'tsho'i bde skyid ni sems can gang dag gi khams dbang dang mtshungs par spyod cing rtog bral rgyal ba'i mdzad 'phrin la ris su chad pa med par chos sku nyag gcig gi rnam 'phrul tha dad pas gdul bya rnams thugs rjes 'dzin pa la dus las nam yang mi yul zhing skye dgu smin grol la bkod pa'i gzhan snang mdzad chen gyi rol pa'ang ji bzhin brjod par bya mi nus par gsungs so | |
gnyis pa gzhan snang thun mong gi rnam thar ni | ji skad du | snang ba gcig las 'di tsam brjod pa'i yul | | da ni rnam thar bsdus pa'i phung po 'di | | gsang gsum rnam thar brgyad cu rtsa bzhi'i bar | | snang gzugs mngon du gyur kyang bskal pa'i mtha' | | gzhan phan kho na sngon song mngon mtho ba | | slar yang bsod nams zla ba gsar par bskrun | | zhes rang snang ma zad gzhan snang gi spyi'i tshul yang ji bzhin brjod mi nus kyang 'dir khong nyid kyi gnas tshul rags bsdus tsam brjod pa'i yul du gyur pa ste | 'dir rang rang la'ang sku gsung thugs kyi rnam thar rgyas na brgyad cu rtsa bzhi'i bar yod kyang