[A:123] de dag thams cad kyang rnam dkar mdzad bzang bstan 'gro'i khe phan rlabs che ba sha stag gi skyon bral dri med zla gzhon ltar dkar ba 'di ka nyid ni sngon bsags bsod nams kyi stobs las da lta'i khong nyid kyi gsang gsum rnam thar mchog tu slar yang khams phyogs 'dir legs sgo byung ba'i tshul gyi rnam par thar pa gsung gnang mdzad pa ste | de yang ji bzhin rgyas shos tsam ni nyid kyis mdzad pa'i rnam thar bka' yig chen mo na gsal yang de ni da lta dpe rgyun chad song zhing | de las deng skabs ni nyid kyi rnam thar mdor bsdus re ma gtogs phyogs 'dir mi bzhugs pas de lugs ltar gong smos bzhin gyi don tshan bdun tsam gyi lo rgyus rags bsdus ni chos 'byung dkyus su song zin las da lan kha bskangs su thog mar sku 'khrungs tshul la |
chos rje 'di'i sku rus yang lha rigs mang bkur gyi gdung brgyad rgya gar rgyal po shAkya ri brag pa'i sku rigs las byung ba'i bod rgyal thog ma gnya' khri btsan po nas rgyal rabs sum bcu ( so gsum ) pa srong btsan sgam po | de'i sras gung ri gung btsan | de'i sras mang srong mang btsan | de'i sras 'dus srong mang rje rlung nam 'phrul gyi rgyal po'am lce zhes grags pa de'i rigs las chad pa ni mdo khams smad kyi char gtogs rdo'i shug chen gyi pho brang rdo'i stag mo'i ngur rdzong du rgyal khab bya mkhan lhu bzhir mgon rgyal nag po zhes pa de yin zhing | de'i brgyud pa stag thog gong rgyal ni rta nag gis bsrung khra brgyan pa dang | gzugs chos kyi gos bkra ba'i sbra nag dgu stong yan gyi bdag por grags pa dang | de'i brgyud pa dkon mchog skyabs ni shar lung chen bco brgyad khri skor bcu gnyis kyi bdag por gyur te | rdo'i rtsang chen mchod rten sogs mchod rten bcu gsum | gser 'bum dang dngul 'bum bcu gsum re bzhengs pa sogs khams 'dir dbang cher gyur | 'di dus hor se chen rgyal pos 'jang gi thog tu dmag drangs skabs hor gyi las ka len | phyi lor lo bcu dgu'i dus dbus su song ste lo bdun bcur nyer tsam bsdad nasmdo smad du 'ong skabs sog dmag gi dus su sog gi las ka'ang len | de rjes tsam nas de'i gdung las chad pa ni yab skya pa'i le'am dkon rgyal ba 'od zer yin | de dang yum dpal skyid sgrol ma gnyis kyi sras su chos rje 'di nyid 'khrungs pa ste | de yang rje 'di 'khrungs lo ni | padma'i lung bstan las 'brug sbrul lo gang rung dang | dgung grangs yang ma mtha' don bzhi dang ring mtha' gya bzhir bzhugs par gsungs la | nyid kyi sku dbon gyis mdzad pa'i rje 'di'i rnam par thar pa 'das lo 'brug dang dgung grangs don gnyis su byas 'dug pas de ltar na nyid 'khrungs lo sbrul gyi lor byas na dgung grangs don gnyis 'brug lor 'das pa dang 'grig cing zla bshol gyis bgrangs na don bzhi tsam yang bdag chog pas lung bstan dang yang mthun phyir da skabs nyid sku ( spyi lo 1509 | rab lo 9.03 ) sa mo sbrul lo nas 'khrungs pa'i phyogs 'di 'dzin zhing | de yang nag zla'i tshes gsum la