[A:124] lhums su zhugs nas mgo zla'i tshes nyer gnyis su ltas bzang bcas sku bltams par grags so | |
chos sgor zhugs nas dam pa bsten tshul la | de yang sku na chung ngu'i dus nas chos la dad cing bla ma dam mang du mjal ba ste | de yang dgung grangs gsum son skabs sngags kyi chos sgor zhugs nas pad 'byung gis zhal bstan te khams gsum zil gnon du byin rlabs mdzad | dgung lo lnga la rig gsum mgon po'i zhal gzigs nas ma 'ongs pa na 'gro don 'byung bar lung bstan | dgung lo brgyad du yi ge 'bri klog sogs thun mong rig gnas la mkhyen pa rgyas shing pad 'byung gis pod dbang bskur nas chos la blo mthu rgya cher bar byin gyis brlabs | dgung lo bcu'i skabs so thar gyi gzhi dge bsnyen gyi sdom pa mnos la | dgung lo bcu gsum du thog mar tshes bcu ratnakIrti dang mjal nas chos rje'i sku skyes su ngos 'dzin mdzad pa nas bzung rim par khri ston legs byas kyi sgo nas mkhan chen dkon mchog rgyal mtshan sogs dge 'dun grangs tshang ba'i mdun nas so thar rab byung tshig snga ma dge tshul gyi sdom pa thob cing | dgung lo bco lnga skor du grub pa'i dbang phyug lcags mdud sogs mkhas grub gnyis ldan gyi skyes chen du ma'i drung nas mdo phyogs bka' pod rnams dang sngags phyogs rgyud sde gang dag gi gzhung lugs la sbyang brtson ches rab mdzad skabs sngags gzhung dus 'khor rtsa 'grel bcas lan cing gsan pas dgongs don ji bzhin thugs su byang chub | nang don mdo sngags kyi gzhung lugs phal che ba khong gis gzigs pa tsam gyis don kun thugs nyams su 'khrungs | sngar ma sbyangs pa'i thun mong rig gnas 'ga' zhig gzhan la dri ba tsam byas pas kyang ji bzhin rtogs nus pa'o | |
zab chos kyi sgo nod nas nyams su blangs pa'i tshul yang | 'di skor dang snga phyi mang por rtse thog rgyal ba'i gter gnas sogs sgrub pa'i gnas chen du mar sgrub pa nyams len la gus rtag gi brtson pa lhod med shugs drag gis sgom sgrub che bar byas pas grub 'bras dag snang gi ngor sangs rgyas byang sems mtha' klas pa'i gzigs mor rtag par 'du 'gog res 'jog dang bral ba'i dge mtshan ngom pa sogs nang rim gnyis kyi rtogs pa sgo kun nas rnam par 'phel te rtogs ldan grub pa chen po rnal 'byor gyi dbang phyug rdo rje 'dzin pa mchog gi go 'phang bdag gir bzhes pa'i ngang tshul gyis nye bar bzhugs shing |
gzhan gdul bya rjes su bzung ba'i tshul ni | ches mdzad pa rlabs che ba'i sgo nas gzhan las khyad du 'phags pa ste | de yang thog mar dgung lo bcu bdun gyi steng nas dus kyi 'khor lo brgyud rgyal rtsa 'grel dang bcas pa'i dgongs don 'dus pa mang tsam la lung rigs yang dag pa'i lam nas zhib rgyas su legs par stsal cing de mtshams dgung lo nyer gsum par mkhan dkon rgyal ba sogs kha skong dge 'dun grangs tshang gi dbus su tshig phyi ma bsnyen rdzogs kyi sdom pa legs par nod de 'dul 'dzin dam