[A:127] kyi mnga' bdag dang lha bsrung bla lnga yis bka' ji bzhin bsgrub pa'i yongs kyi bla ma gtsug gi nor bu gcig pur gyur pa ste | de yang thang chen brgyad ni | rnga ru ru thang | skong gser zha thang | 'dzi ka'i lha mo dar thang | smra se le thang | mi nyag gser thang | gser sgo rgan thang | pho dre'i bye ma'i thang | pAla rje mo'i thang rnams dang | rtse bla lnga ni | shar gyi gnyan po g.yu rtse | rdzong gi lha ri gnyan rtse | rdo rgyal sku bla lcags rtse | bzhag shod bzhag ra sman rtse | mi nyag bzhag bkra lha rtse rnams so | |
de lta bu'i chos rje 'di'i sku tshe'i smad tsam la gnam skos gong ma wan li nas kyang gser yig pa btang ste legs skyes 'ja' sa sogs kyi las ka gnang sbyin dang bcas pas brtsi bkur che ba mdzad | gzhan yang chos rje 'di nyid sog po'i rgyal po yongs shu'i bu dus bying gis gdan 'dren zhus te gus pas bla mar legs bkur mdzad nas rgyal ba mi pham mgon po zhes pa'i mtshan gsol zhing dngul srang lnga bcus legs bskrung tham ga dang bka' yig sogs kyi gnang sbyin mdzad | sog rgyal asbal dang | be thu rgyal po chin rgyal sogs kyis kyang gus bkur bcas kyis zhabs tog legs po byas nas nang so karma lha khang gi krma bla ma sogs grwa slob yon bdag kyang cher mang | zi lung mkhar bdag sogs rgya sog bod kyi che dgu 'bangs sde mang pos kyang gus 'dud zhus shing skyes 'bul mdzad | byang phyogs hor gyi rgyal po dang | lho phyogs yun nan 'jang sa dam rgyal po dag gis gdan 'dren gyi sgo nas dbu blar bkur te bka' yig sogs kyi 'ja' sa gnang | btsan lha rab brtan rgyal po sogs khong dang sku thog mnyam pa'i sa dbang ches mang pos bkur sti legs skyes de lugs bzhin mdzad par grags | nang gi bstan pa'i gnyer kha ba bod chos rgyal gyi gdung brgyud tsha ba rgyal po'i rigs rus las byung ba rang re'i nges don sgrub brgyud kyi bstan pa la zhabs 'degs byed pa de dus mang tsam byung ba sogs phyi nang gang thad la lugs gnyis kyi dbang cha ches kun nas mtho bar gyur to | |
rnam dkar mdzad sgos rten bzhengs dang chos sde btab tshul khyad par ba yang 'dzam thang du khong nyid kyis bzhugs gnas gzims khang bde chen bshad sgrub dpal gyi pho brang gsar bskrun mdzad de der gang gi zhabs pad chos khrir 'khod de | yongs kyi 'dus sde mang tshogs kyi bzhugs gnas lha gsar nges don bshad sgrub gling yang gsar bzhengs dang | khyad par rgyal ba'i rten khang chen mo yongs rdzogs bzhengs grub pa'i nang rten gyi gtso bo ston pa dgung grangs bcu drug pa'i tshad zangs gser las bskrun pa rgya mthu bcu gnyis yod pa'i sku mgrin pa yan chad rang byung legs 'khrungs kyi khyad mtshar can nang gzhug byin ldan bcas dang | rgyab phyogs su sman 'dam las grub pa'i dus gsum sangs rgyas thog tshad phyed gnyis can dang | sgo'i g.yas g.yon du phyag rdor mi g.yo ba sman 'dam gyis bzhengs pa nang gi logs bris cha tshang bcas legs par grub pa dang | rten khang de'i g.yas su byams khang nang byams pa gtsor gyur