[A:126]
chos rje 'di'i gsung chos yang zhwa dmar dkon mchog yan lag gi gzhan stong dris lan don bsdus rab gsal sogs mdo sngags kyi rnam bshad mang po dang | dus 'khor rnying pa'i brgyud 'debs dkyil chog bcas sogs rgyud sde'i cho ga mang po dang | chos skyong gi bstod bskang du ma dang khyad par rong kIrti'i lha dmag gis khong gi rjes bsnyegs pa dang nus mthu 'gran skabs smug skya'i lung khog nas thog mar khong gis rdzu 'phrul rta la chibs te puTa'i bstod bskul myur ba'i las mdzad ma rta pho'i rkang 'gros dang bstun nas mdzad rjes sprul pa'i rnam bkod kyis gnas gzhan du 'gyur te rtsal chen gtong lnga'i dbang po la chibs te bar snang du smug char 'thibs pa'i gseb nas rhes bsnyegs dag gis mi mthong bar byas te mkha' lam du byon bzhud mdzad pas rgyal ba seng ge zhes grags la | yang skor cig tu rgya khri bcu'i dbu blar phebs skabs cho 'phrul gyis mkha' lam nas nyi ma bzung zhing de skabs gser zhwa ngos pa'i nags de nyid kyi rtse mo phyis su bzang shing shug par gyur pa sogs ngo mtshar ba'i lo rgyus mang |
bstan pa'i sbyin bdag du mas zhabs 'degs byed tshul yang ches khyad mtshar ba ste | de yang chos rje rgyal ba seng ge dpal 'byor bzang po gang gi sku tshe stod kyi dus tsam nas mdzad 'phrin gyi sgo phyogs thams cad du khyab pa'i grags snyan phyogs kyi sa skyong ma'i dbang po dag gis gsan nas rgya nag gnam skos 'jam dbyangs gong ma tA ming rabs khrin hwa rgyal po'i lung gis chos rje nyid dbu blar phebs dgos pa'i gser yig la brten gong ma'i rgyal sa pe cin gser mkhar du gong ma khrin hwa nid 'khrir 'khod nas lo brgyad dang zla ba brgyad pa'i yar tshes brgyad kyi nyin chos rje gang nyid der phyag phebs te gong ma rgyal po 'khor bcas kyi thugs bzhed ltar gyi zab bka' rgya che bas dgyes pa bskyed de gong ma'i bka' lung gis tA'i hran hwa wang zhes pa'i mtshan dang ba so'i tham ga stag nyal 'brong rgur bcas dang g.yang Ti'i tham ga rus sbal bcas dang gser shang shang dngul gor gor sogs bka' rtags cho lo las zhwa gos bcas legs gnang mdzad de gong ma nyid kyi phyag bris bka' yig chen mo'i nang du | bdag gnas skos rgyal pos kyang chos rje rin po che 'di nyid rtsa ba'i bla ma ches mchog tu 'dzin pa yin | zhes sogs kyi bsngags brjod gus bkur rgya che ba dang | gzhan yang gnang sbyin la | sku rten bde gsang 'jigs gsum gtso 'khor lha dgu pad sgrom can dang | thugs rten rnam rgyal mchod rten lha dgu ma dus 'khor thugs dkyil zab gos 'thags ma bcas dang | gong ma'i nang mdzod nas rol chen dkar mo'i rgyang grags dang sil snyan nyi ma 'brug grags sogs dngos rdzas khyad mtshar ba chos srid la nyer mkho'i rigs rgya che ba'i legs skyes dang bcas te bod phyogs mdo khams kyi thang chen brgyad la chos srid zung 'brel gyis mnga' dbang bsgyur ba'i bla med chos kyi rgyal po chen por mnga' gsol zhing mdo khams thang brgyad