[A:130] mtshar can du ma re dang bcas rlabs po che'i byas rjes rgya che ba de 'dra'o | |
de lta bu'i mdzad zla dang bral bas bstan 'gro yun ring bskyangs pas re zhig sku tshe'i smad gdul zhing yul 'dir skor cig tu rdzogs pa la nye ba nyid kyi dgung grangs re dgu'i dus mtshams phan chad du khong gi rang snang dag pa'i tshul nyid gsung rnam thar gyi sdom las gsungs pa | ji skad du | lo gsum 'das nas yul 'di'i snang ba 'gag | | don dam nang gi snang lam 'gro bar shar | | bde chen padma 'od dang dga' ldan zhing | | gar 'gro rang dbang che yang srid zhi'i khams | | bde bar dbugs dbyung 'khor ba myang 'das kyi | | sgrol ba'i ded dpon snang gzugs ma 'gags ston | | sprul pa'i gang 'dul nyi ma 'bum gyi 'od | | mtha' yas 'gro la ma khyab gcig kyng med | | brgyad khrir byams pas chos ston skal bzang 'gyur | | bdag dang 'brel byung mthong thos dran reg kun | | lhag bsam lan cig snying nas dran pas kyang | | theg chen dga' ba'i sar bgrod lung bstan yod | | ces da lan khong dgung lo re dgu'i dus su rang snang gi tshul ni 'di'i snga mo lo gsum tshun nas kun rdzob tha mal gyi 'di snang ma dag rdzun ris kyi 'khrul ba mtha' dag rang 'gag tu song nas don dam nang dbyings ye shes dag chen mchog gi 'gro lam gyi snang ba dam pa'i gzigs mor nyams bde ba 'ba' zhig gi ngang dus 'khor mo yug mnyam rjes cha 'byed dka' ba tsam du red song zhing | 'di'i ngang nas skad cig la lho nub padma dang steng phyogs dga' ldan gyi zhing du gar 'gro yang rang dbang che zhing dka' ngal ci yang mi 'dug kyang da dung srid zhi'i sdug bsngal gyis mnar ba'i gdul bya gang dag gi skyobs pa'i mgon mdzad cing de dag srid zhi'i 'jigs pa las sgrol ba'i ded dpon du rang rang dang 'tsham pa'i gang 'dul thabs mkhas mchog gi mdzad bzang bstan te sprul bkod nyi ma'i zer bzhin gdul bya gang la ma khyab pa med pa'i tshul gyis nam zhig ma 'ongs pa bskal pa bzang po 'di la tshe lo brgyad khri'i dus su kun gzigs ston pa byams pa'i mtshan can gyis yang dag zab chos kyi sgo 'phar legs phye mdzad skabs da lan nyid mthong thos dran reg gi 'gro ba kun gyis khong la dad mos lan gcig tsam byas pas kyang de thams cad theg pa chen po'i sa dang po myur nas thob pa'i lung bstan yod tshul zhib rgyas su gsung gnang mdzad mthar de 'dra'i khong nyid kyi gsang che ba'i rnam thar mdo tsam bkod pa'i dgos don gsungs pa |
ji skad du | de la sogs pa'i dus gsum rnam thar yang | | phal cher dag dang mthun pa'i nges shes dang | | rmi lam bag chags tshal dang mngon sum du | rab rib tsam du bshad bya mang yod kyang | | 'di tsam kho nas bskal bzang 'dod don 'grub | | rnam bshad snying po 'di la gus par gyis | | zhes 'dir de lugs kyi rnam thar bsdus tsam brjod pas mtshon da dung gzhan phal che ba dag