[A:132] mchog bzhugs skabs dang | sa skya'i sngags 'chang nam mkha' rgyal mtshan dpal bzang | nam mkha' bkra shis rgyal mtshan | 'dzam gling sgar ba rgyal dbang karma zhwa nag brgyad pa mi bskyod rdo rje | de'i sku skyes dgu pa dbang phyug rdo rje rim par byon pa gnyis dang | zhwa dmar dkon mchog yan lag dang | stag lung thang pa bkra shis dpal bzang gi sku dus dang | sngags rnying phyogs kyi gter chen padma gling pa | mnga' ris rig 'dzin legs ldan rje | thugs sras byang bdag bkra shis stobs rgyas sogs dang | dge lugs phyogs kyi 'bras spungs sprul pa'i sku dge 'dun rgya mtsho | de'i yang sprul bsod nams rgyal mtsho rim byon dang bsod nams phyogs kyi glang po dang | dben sa blo bzang don grub sogs kyi dus tsam dang snga phyi ci rigs dus mtshangs shing | bod ljongs srid 'dzin rin spungs ngag dbang rnam rgyal sku mched kyi dus tsam du gsal | chos rje 'di'i sku tshe smad mdzad pa rdzogs pa'i dus mtshams su rang re'i jo nang du rje btsun rin po che tAranAtha nyid sku skyes na gzhon dgung grangs drug tsam gyi steng du slebs pa dang | gtsang stod rgyal po zhang shag pa karma tshe brtan rdo rjes bod kyi srid dbang bzung nas lo bcu lhag tsam song bar mngon no | |
chos rje sku phreng gsum pa bon re shing ba'am kun dga' thub bstan rgyal mtshan seng ge |
3. de ltar sku phreng thog ma rgyal ba bzang dang sku phreng gnyis pa dpal 'byor bzang po gnyis kyi lo rgyus mdo tsam song zin nas da sku phreng gsum pa bod ljongs dbus gtsang phyogs kyi bon re shing gi sku skyes kyi lo rgyus ni | rgyal ba seng ge 'das nas lo 'ga' shas song rjes su sprul pa'i sku 'di nyid dang po 'khrungs yul stod dbus gtsang gi mnga' ris kyi char gtogs pa gtsang byang gi mtshams bon re shing zhu tshang zer ba'i gnas yul de yin cing | der sku skyes de 'khrungs nas lo bcu lhag skor tsam na gnas tshul de lugs 'dzam thang chos rjes gsan nas ched mngags grwa rigs nang so kun dga' bkra shis sogs dang | mdo khams nyig rje dgon gyi ka bzhi rgyal mtshan seng ge'i sku skyes 'khor bcas dang | amdo ba kun dga' lhun grub sogs jo nang dpal du rje btsun tAranAtha bzhugs pa'i sku drung du phyin te bon re shing gi sku skyes 'dzam thang chos rje'i yang sprul yin min gyi thugs brtags zhus tshe | rje btsun gyi zhal snga nas de rgyal ba seng ge'i yang sprul yin rung yang 'dzam thang phyogs la phan thogs mi yong | gsungs nas de lugs ltar thugs thag bcad na'ang | phyis su 'dzam thang nas de ltar ma byas par a rge sku skyes dang khang gnyer rgyal ba dpal sogs re shing sku skyes gdan 'dren gyi ched du dbus gtsang phyogs su slebs te jo nang rje btsun gyi sku drung nas chos bka' ci rigs dang yin lugs kyi tshul zhus skabs khong gis de dag la zab chos kyis re 'dod ji bzhin bskangs nas | bka' las | da lan re shing ba 'di rgyal ba seng ge'i sku skyes yin nges su 'dug kyang dgung lo cung zad che zhing bon phyogs la