[A:139] mtshan | snying po rab 'byams | kun dga' ye shes sogs gshin rje'i gshed kyi rnal 'byor pa nus mthu mchog mnga' ches mang po byon |
go rgyal ba nyid kyis rdo rje 'jigs mdzad kyi rnal 'byor mchog la mnga' brnyes pa nas bzung 'dzam thang sgar khag rnams su lha 'di'i 'phrin las kyi sgo nas drug cu rtsa bzhi pa'i gto sgrub zor gyi las mtha' bcas kyis sku rim da lta'i bar byung la | lo 'di skor ci rigs su sog dmag gi dus zing byung skabs khong nyid kyis yi dam rdo rje 'jigs mdzad kyi drug cu'i lcags mkhar bsgrubs pas zor rtse la me 'bar ba sogs tshams rngam 'jigs zil che ba dang bcas te gtor zor 'phangs pas pha rol dgra sde la ltas ngan gyi mtshan ma dang nang 'khon byung bas dmag nang 'thor dkrugs kyis kha bral nas dus kyi dmag dpung zlog par mdzad pa dang | yang lan cig khro skyabs kyi mnga' 'og tu gtogs pa rtsang rong phyogs nas sngags rgan bu ra le zer ba'i sngags 'chang phur pa'i rnal 'byor la mnga' brnyes pa zhig yod pa de dang mthu nus 'gran tshe kho bos mtshan ma rjes kyi rten phur de ye shes lha'i byin rlabs la brten nas skad cig gis nam mkha'i dbyings nas mngags te chos rje go rgyal ba'i sku thog tu slebs tshe khong gis 'jam dpal khros pa'i skur bzhengs te phur bu'i mthu stobs zil gyis mnan bzhin phur bu de nyid phyag tu bzhengs nas rten phur du byin gyis brlabs pa da lta rten khrod du yod pa 'di ka ltar dang | de ma zad sngags 'chang khong nyid dang de phyogs kyi rtsa lag bcas klu gdon me mtshon gyi gnod pas skye rgyud drung nas brlag ces pa'i lo rgyus kyang yod | de sogs mthu nus ches khyad par ba'i mnga' bdag zhig ste khong la bstan pa'i zhabs 'degs zhu ba po yang gnam skos gong ma chin rabs khang shis rgyal po chin hri tsu'us kyang bla mar che bkur gyi sgo nas bka' yig dam kha sogs kyi 'ja' sa gnang | khams phyogs 'dir yang rdo'i 'bum skyabs yag gis bstan bdag byas te chos gzhi phul zhing | sog po shog thu'i ji rgyal po'i lung gis mngon par mthu ba'i 'ja' sa yang gnang | a skyong mi dbang bstan 'dzin drung gis yang bla mar bkur nas de phyogs su jo nang pa'i chos tshul rgyas par byas | gzhan yang rnga rong sde lnga | rdo 'dzi smra gsum | rgyal rong rgyal khag rnams kyang gus bkur gyi sgo nas bstan pa'i sbyin bdag che ba mdzad | khong nyid sku tshe smad tsam la rdo stod dgon gsar bkra shis gling du rgyun bzhugs lta bur mdzad nas 'di skabs rdo'i 'bum skyabs yag la zab bka' du ma gnang bzhin chos kyi sbyin bdag dang slob mar yang wa shul dpon de nyid gyur te ches dad gus bla blag sngar las 'phel zhing | 'di skor ci rigs su khong nyid rdo'i gnam lung ri khrod du'ang khor tsam bzhugs nas mtshams sgrub mdzad la | de mtshams