[A:142] par 'gyur ba'i mgo bzung ba yin la | de'i phyir chos rje 'di nyid khong gi ngos nas rigs mthon gyi skyes chen yin yang dpal 'dzam thang gi chos grwa'i mdzes rgyan la rma dbab tu song nas dgon khra bor 'gyur te mtha' grong nag tu song gshis de skabs nyid du'ang chos rje 'dis khams phyogs kyi rang re'i dgon lag sngon nas yod pa gang mang la 'dzin bdag ye nas ma byas stabs rang lugs kyi chos gzhi grwa rgyun kun gzhan du shor te nyams je dma' ru rim gyis song zhing spyod tshul gyi gnas bab de ltar yin na'ang khong gi rang ngos nas phyogs rer 'gro 'dul dus babs kyi gter ston mkha' 'gros lung bstan thob pa'i skyes chen re yin gshis rjes sor mkha' 'gro'i lung bstan bzhin khong nyid dbus gtsang du phebs te zab chos kyi gter kha re'i sgo nas 'gro phan rlabs chen mdzad cing legs nyes 'byung 'gyur lung bstan thog tu khel ba sogs sgo gang thad nas mdzad pa khyad du 'phags pa ches mngon du gyur pa'i cha nas bod ljongs su mtshan snyan gyi grags pas kun tu khyab cing rgyal ba sku 'phreng brgyad pa 'jam dpal rgya mtshos de lugs ltar gyi bka' yis bsngags brjod dang lung bzang po'i bka' yig sogs kyi gnang sbyin mdzad |
chos rje 'di la'ang chos kyi 'brel zab sgo kun nas mnos pa'i thugs slob rang yul 'dzi ka dang phyogs gzhan nas 'ong ba mang po yod cing | gnam skos gong ma chan lung gis srid khri bzung ba'i mjug tsam la gong ma'i gser yig pa 'dir 'byor nas chos rje 'di la lung gis bsngags brjod dang bka' yig sogs kyi 'ja' sa gnang | khams phyogs kyi a skyong dpon dmag zor mgon po dang rdo'i lhun grub sogs kyis bstan pa'i zhabs 'degs che rab yang byas | khong nyid kyi rnam dkar gyi bya ba'ang sku rten byams pa dang | thub pa | dus 'khor | spyan ras gzigs rnams kyi zab thang gi sku brnyan du ma dang | gsung rten gser dngul gyi nges don bka' chos sogs rten mchog gcu gsum bzhengs par mdzad pa sogs bstan pa la byas rjes mi dman tsam dang bcas 'dir mdzad pa rdzogs mthar dgung lo so lnga'i steng sku gshegs te dgongs mchod gdung rten sogs kyi mdzad srol yang de 'os ltar gyi legs sgo nye bar grub zin byas |
'di dang thog mnyam pa sa skya'i sngags 'chang ngag dbang kun dga' blo gros dang | de'i sras kun dga' sangs rgyas bstan pa'i dus dang | rgyal ba sku phreng brgyad pa'i sku tshe smad dang | paN chen sku phreng drug pa blo bzang dpal ldan ye shes dang | karma zhwa nag bcu gnyis pa byang chub rdo rje'i sku tshe'i mjug dang | zhwa dmar sku phreng brgyad pa'i dus dang | gong ma chan lung sogs kyi dus tsam du mngon zhing | 'dzam thang 'dir gtsang pa ngag dbang rnam rgyal gyi yang sprul kun bzang 'phrin las rnam rgyal dang dus mnyam la | 'di skor dang ha lam mnyam pa tsam la rdo'i rtag brtan dgon pa