[A:144] mtshar ba bzhag de mtshams shig nas sku skyes gzhon pa de nyid 'dzam thang chos rje sgar gyis che ba bkod pa dang bcas gong ma'i gdan sar khri ston rgya cher mdzad skabs rtogs ldan gyi bla ma 'ga'i thugs snang dag pa'i ngor sprul pa'i sku skyes nyid phebs dus su o rgyan pad 'byung gi sku'i rnam pa seng ge dkar mo la chibs pa nam mkha'i dbyings nas byon bzhud mdzad par mthong ba sogs ya mtshan ltas bzang yang mang skad |
de nas dgung lo brgyad steng skor nas yongs 'dzin dam pa'i mdun nas klog sogs rig gnas sbyang zhing de skabs rjes gnang gi byin rlabs du ma zhus nas bsnyen tshad kyang btang | dgung grangs bcu bzhi son skabs gong bla kun dga' rnam rgyal gang gis gtsos 'dus pa grangs tshang gi mdun nas tshangs spyod dge bsnyen gyi sdom pa legs mnon mdzad nas mtshan kun dga' 'jigs med dpal gyi seng ge zhes gsol | de nas dam pa gang gi drug nas rang lugs dus kyi 'khor lo'i bskyed rdzogs kyi zab bka' dbang lung man ngag bshad khrid yongs rdzogs gsan nas ji bzhin nyams len gong ma'i phyag bzhes ltar lag blang du thebs nges mdzad skabs rtogs pa'i drod tshan rgyas shing lhag pa'i lha mang po'i zhal gzigs kyi snang ba'i dge mtshan yang byung |
chos rje 'dis gong bla'i mdun du snga phyi gnyis su chos mang gsan la | dgung lo bcu bdun skor khams sde dge'i chos grwar phebs te zur mang tshe dbang kun khyab kyi mdun nas mdo sngags rig gnas du ma la gsan sbyang mdzad | de nas dpal spungs dgon du tA'i si tu padma nyin byed dbang po'i sku drung du rang lugs kyi chos bka' spyin dang shangs chos sogs bka' brgyud dang rnying ma sa skya dge lugs bcas kyi zab chos du ma legs gsan mdzad nas de dus su mtshan karma shAkya 'od zer du gsol zhing bstan pa'i rgyal mtshan 'dzin par rgyal tshab mchog tu mnga' gsol mdzad | de nas 'dzi sgar gter chen rdo rje grags pa'i mdun nas nyid kyi dgongs gter sgrol ma dmar mo'i gsang sgrub kyi dbang lung man ngag yongs rdzogs zhus te gter ston khong gis chos rje nyid dgongs gter sgrol ma'i chos bdag tu mnga' gsol yang mdzad | gzhan yang sngags rnying phyogs kyi zab bka' du ma'ang legs par gsan nas rang gnas 'dzam thang dgon du slar phebs mdzad de grub chen dus zhabs pa'i byin gyis brlabs pa'i sprul par grags pa lha tshe bla ma rgyal mtshan gyi drung du slar yang dus 'khor dbang chen sbyor drug yongs rdzogs kyi khrid lung man ngag bcas sogs gsang sngags kyi zab bka' du ma dang | sa bzang gis mdzad pa'i blang dor rab gsal dang rje btsun rin po ches mdzad pa'i lam rim bdud rtsi'i nying khu blo sbyong don bdun ma'i khrid bcas mdo phyogs bshad dmigs kyi khrid ci rigs pa dang | khyad par rin 'byung dang rgyud sde rab 'byams kyi dbang yongs su rdzogs pas thugs rgyud dul ba'i zhing sa ltar gsang chen