[A:145] mngon rtogs kyi myu gu ches kun nas rgyas shing spel thabs kyi legs sgo cir yang bskrun par mdzad do | |
de nas dgung lo bco brgyad skabs chos rje'i pho brang du lugs gnyis kyi mdzad pa'i la rgya la thugs khur nye bar bzhes te chos srid zung 'brel la dbang bsgyur ba po mchog gi go sa na legs bzhugs mdzad ngos nas de lugs ltar gyi mdzad sgo dang nye bar bstun nas sku dbon bsod nams chos kyi grags pa dang mi rgyab 'jigs med sogs drung 'khor 'go blon mdzod gnyer sogs rim rgyas lhan 'dzoms kyis srid dbang che ba'i sgo bskyed cing khyad par khong nyid kyang lugs nyid gang thad la skyong mkhas pa'i rnam dpyod kyi rtsal nye bar bkra ba zhig ste 'di skabs chos srid kyi legs 'byor ches kun nas dar zhing mnga' thang che tsam du gyur te rdo 'dzi smra gsum rnga ba rgyal rong khag mgo log gser rta wa shul khyo ko bcas yongs la chos srid kyis dbang bsgyur zhing khong nyid sku zil che stabs mdun nas dpon grags pa can tshos ci yang smra mi spobs pa lta bu dang bar skabs der sku mdun nas 'ong ba rnams 'phral du chos rje nyid kyi zhal mjal gsung thos kyi skal ba med par phyi nas zhu yig gis snyan 'bul byed dgos pa lta bu'i khyad dbang ches mtho ba'i tshad du rdzogs shing | chos rje bar skabs rer gang du byon bzhud mdzad skabs gtsang pa'i rdo rje slob dpon rgyal tshab dge slong zhabs pa gang gi thugs dag snang ngor rgyal ba seng ge nyid yar mar gang du phebs skabs khang gsar pho brang gi sgo chen mdun nas dpa' bo dur khrod bdag po zung gis rgyun du skyel bsu byed par gzigs shing de 'dr'i chos rje 'di ba ni spyir na lhag pa'i lha du ma dang khyad par rje btsun sgrol ma'i zhal yang yang mjal zhing yang sgos rim gnyis kyi rtogs pa thugs la 'khrungs pa las rdzogs rim rtsa rlung thig le la dbang thob pa stobs che zhing de las kyang thig le dwangs ma 'dzag med du sdom pa'i dga' bzhi'i mthu rlabs po che brnyes pa'i dbang gis phyi rtags su khong gi sku'i gsang ba nor bu'i bu ga nas dri chu phyir lud pa yar drangs pa dang 'o chu bsres pa las 'o ma so sor ma 'dres par bsal te drangs nus pa'i thig le dbab bzlog la brtan pa thob pa'i grub pa'i dbang phug gi che ba'i yon tan mchog legs ngom mdzad pa'i gzhan lus thabs ldan gyi lam rgya cher smin pa'i skyes bu dam pa yin phyir 'di 'dra'i dus la ni bod med bsten na dga' bzhi'i bde chen sngags bla med kyi rtogs pa spel ba'i lam brogs go na ma gtogs nyes dmigs su 'gyur ba'i skabs med cing las rgya'i rig ma dang sbyor ba'i lam mngon byed kyi dus su bab pa yin pas chags sred kyi sgog gis bcings pa'i skye bo phal pas brgya'i char yang bskrun par mi nus pa'i grub pa mchog gi brtul zhugs kyi mdzad sgo la chos rje khong gis dbang byas te mtshams re zhig nas rig ma'i mtshan nyid tshang ba 'jig rten pa'i mi te tsa za byams li sgron dang tsi mi li zhes bya ba'i bud med mtshan ldan gnyis yum du bzhes nas sku rigs kyi gdung brgyud yang da lta'i bar yod cing | yum gnyis kyang mkha' 'gro'i rigs rnam par dkar ba'i chos la gzhol zhing