[A:7]
(1) theg chen gyi chos rgya gar du thog mar byung tshul |
dang po rgyud phar phyin theg pa bka' bar tha gnyis su gsungs pa yang yul bya rgod spungs ri sogs su gdul bya theg chen dbang 'bring gi rigs can rje su bzung ched bka' bar ba mtshan nyid med pa gnas lugs spros bral gyi tshul ston pa'i chos kyi 'khor lo yum rgyas 'bring bsdus gsum sogs sher phyin gyi mdo grangs bcu bdun tsam gyis mtshon sde snod mtha' yas pa'i chos 'khor bskor ba de yang bla na mchis pa sogs rtsod gzhir gyur pa'i bar gong ltar gsungs shing | yul yangs pa can sogs su gdul bya dbang po rab kyi theg chen rigs can dag gi ched du gtso bor dgongs nas bka' tha ma don dam rnam par phye ba chos rnams gnas lugs mthar thug chos nyid 'od gsal bde gshegs snying po legs par gsal byed nges don phyir mi ldog pa 'khor lo'i gtam ston byed kyi chos kyi 'khor lo | gshegs sning gi do | dpal 'phreng gis zhus mdo | sor 'phreng la phan pa'i mdo sogs thun mong ma yin pa'i mdo sde mang po dang | dgongs 'grel | lang gshegs sogs thun mong gi mdo sde grangs nyi shu tsam gyis mtshon sde snod mtha' klas pa gsungs pa'i chos 'khor bskor ba gang de bla na ma mchis pa | skabs ma mchis pa | nges pa'i don lags te rtsod pa'i gzhir ma gyur pa'i tshul ston pa nyid kyis rang gi dgongs pa legs par 'grel tshul gyis dpal gyi mgur nas bka' stsal pa'o | |
de 'dra'i theg pa chen po'i chos tshul yang | lang kar gshegs pa las | sems tsam la ni brten nas su | | phyi rol don du mi brtag go | | snang ba med pa la brten nas | | sems tsam las ni 'da' bar bya | | yang dag dmigs pa la brten nas | | snang ba med las 'da' bar bya | | rnal 'byor snang ba med gnas na | | theg pa chen po mi mthong ngo | | zhes gsungs pa ltar theg pa chen po la yang dag par zhugs pa rnams kyis chos kun sems kyi snang cha tsam du shes nas phyi don med par gtan la phabs | de nas chos thams cad bden med du gtan la phab ste | sems tsam gsal ba'i ngo bo gzhan dbang kun rdzob pa 'di kun la'ang bden zhen bzlog nas dngos smra'i sems tsam lugs las 'da' bar byas te bde med spros bral rang bzhin gnas lugs su gtan la dbab | de nas gnas lugs mthar thug don dam pa thams cad pa yang dag pa'i chos nyid bde gshegs snying po dmigs pa la brten nas bden med spros bral gyi cha 'ba' zhig pa'i snang med dbu ma'i tshul las kyang 'da' bar ma byas na rigs khams mthar thug gi nges pa don gyi theg pa chen po yon tan mtha' yas pa'i klong du gyur pa'i gzhi gcig pu nyid nam yang mthong tshul med pa de bas na | 'khor lo tha ma'i dgongs don | rgyan stug po bkod pa'i mdo las | nyi ma zla ba'i nor bu dag | | yongs su dag pa'i mtshan nyid can | |