[A:6] 'phrod pa'i sman ster ba ltar thams cad mkhyen pas gdul bya tha 'bring rab kyi dbang po dang 'tsham par snod bcud sems kyi dbang gis byung tshul de lugs kyi rim pa ltar bstan pas gdul bya de dag rim gyis bstan pa la 'dzud par mdzad pa dang | de bzhin du gzhan yang brda sprod pa'i slob dpon gyis slob ma dag yi ge kun la rim gyis slob ched thog mar yi ge phyi mo klog tu 'jug pa bzhin sangs rgyas kyis gdul bya dag gi khams dang dbang pos ji tsam rtogs nus pa'i chos kyi gnas lugs bstan nas gdul bya rnams rim pas lam du dkri ba'i sgo nas yang dag pa'i go 'phang la snyegs par byed do | |
1. theg dman gyi chos byung tshul
de dag gi tshul mdo tsam smos na spyir ston pas theg dman rigs can gyi gdul bya dbang po tha ma rnams dang | theg chen rigs kyi gdul bya dbang po zhan pa dang 'bring dang rab kyi rim pa rnams la khams dbang bzhin snod bcud gang dag las nyon gyis bskyed pa tsam dang sems kyi bag chags brtan po'i dbang gis byung ba dang chos kun rten 'brel ming rkyang btags yod tsam dang khyad par kun rdzob kyi chos kho na bden par med pa'i tshul gyis gsungs shing | chos kun gyi gnas lugs yang gdul bya de dag gi rim pas gang zag dang chos gang dag rtag gcig rang dbang ba dang rang rkya thub pa'i rdzas med pa dang | gzugs sogs phyi don dang sgra rtog gi 'jug zhen gyi gzhir rang mtshan gyis ma grub pa dang | chos kun bden par med cing gnas lugs stong pa nam mkha' lta bu dang | don dam pa'i yongs grub chos nyid rnam pa thams cad pa nam yang 'gyur ba med pa'i tshul gyis legs par bstan pas gdul bya rang rang gi blo tshod kyis ji ltar khong du chud nus pa de ltar bden pa gnyis kyi rnam gzhag bka' 'khor lo gsum gyis rim par gsungs pa ste | de yang thog mar yul AraNasi drang srong smra ba ri dwags kyi nags su theg dman gyi rigs can la gtso bor dgongs te bka' dang po bden pa bzhi rnam par phye ba'i chos kyi 'khor lo so thar gyi mdo | 'dul lung sde bzhi | las brgya pa | rten 'brel mdo | chos 'khor gyi mdo | don rnam par nges pa'i mdo sogs che chung sdom pa lnga bcu tsam gyis mtshon theg dman gyi sde snod dpag tu med pa'i chos 'khor bskor ba de dag ni bla na mchis pa | skabs mchis pa | drang ba'i don | rtsod pa'i gzhi'i gnas su gyur pa yin par dgongs 'grel las gsungs so | |
2. theg chen gyi chos byung tshul |
khyad par theg pa chen po'i chos kyi tshul rgya gar du ston pas ji ltar gsungs tshul dang | rjes nas ji ltar byung ba'i tshul gnyis las |