[A:147] mang du byon |
chos rje 'di'i dus bstan pa la zhabs 'degs mdzad pa gnam skos gong ma chen rabs han hu'u'i rgyal po sa bka' yig tham ga sogs kyi lung bzang po'i 'ja' sa gnang | khong nyid tu'i sa sgor phebs te zi khron tsung tu'u chos srid zung gi lung bzang po'i 'ja' sa gnang zhing | kyang la tA lo ye nas kyang bla mar bkur nas 'ja' sa dang lha 'bangs su yul ba khag gsum ri 'phongs shi 'gam sogs chos srid zung gi sder gtogs mi khyim brgya dang lnga bcu tsam gnang sbyin mdzad | 'di skor chos rje'i lha 'bangs su gtogs pa phyi nang thams cad la dud tshang bdun brgya lhag tu longs |
gzhan yang khams phyogs kyi mi dbang a skyong dpal chen mgon dang dbon nor bu dgra 'dul sogs kyis gus pas bla mar bkur te sbyin bdag dang | rme'u rgyal po lcags thar 'bum sogs sa skyong mi dbang che ba gang dag gis dad gus rgya che bas chos kyi zhabs 'degs bla blag pa sgo kun nas bgyis shing | chos rje khong la gnam skos 'jam dbyangs gong mas gnang ba'i las zhwa nyid kyi dbu la rtag par mnabs pas de phyogs yul sde kun gyis bla dwags su chos rje pog li can | zhes pa'i mtshan gsol | khong gi sku tshe'i thog cig la mgo log snying rgya 'bum dus las 'das pa'i gshin po rjes 'dzin du chos rje khong nyid phebs pa la gshin gyi dgobgs rdzogs yon 'bul 'gam stod sribs lung bcas kyi sa cha legs par phul bas sribs lung gi dben gnas der chos rje nyid kyis bzhugs gnas ri khrod mdzad de yun ring bzhugs skabs gnas bsrung a mye khyung mgon rdo rje drag rtsal bka' tha tshig gis dam la bzhag nas bsrung mar bskos |
'di skabs 'dzam tang du chos grwa mang 'tshogs dus 'dus sde stong phrag tsam dang nyud dus su'ang brgya phrag lnga tsam las mi nyud bar grags la | lo bstar bzhin dus 'khor sogs rgyud sde mang po'i chos grwa dus su 'chag med dang lo mjug kun tu drug bcu skang mdos res mos kyis gto sgrub zor chen las mtha' drag po'i 'cham sna gyi sgo nas tshams rngam gzi brjid che ba lo dus su ngom pa dang | gong ma'i las gos bka' rtags sogs kyi chas dang bcas mngon par mtho ba'i lung gi dril bsgrags kyi sgo nas zab sku chen po'i bshams ston rgyas spros dga' ston ngo mtshar ba'i der gnas lus can dag gi re ba zi bzhin skong ba'i mdzad sgo bar bar dus su ngom zhing rgya 'cham dang seng 'cham sogs rtse rigs sna tshogs pa'i zlos gar 'khrab pa'i ltad mo ngo mtshar ba'i bkod pa dang bcas skyid dga' chen po'i las kyi srol ka de lugs bzhin gnas la | chos rje 'di'i rnam dkar las kyi 'khor lo'i bya ba yang | khang gsar pho brang gzhi nas gsar bzhengs kyi sgo nas nang du gser khang | mdun khang | rgyal khang | mdzod gnyer khang sogs kyi legs bkod 'dra min du ma dang | lha gsar 'du khang zhig gsos | de