[A:148] dag gi gnas bzhugs rten gsum khyad 'phags du ma dang mchod cha'i rigs rol mo tshangs dbyangs dpal 'bar | 'dzi sgar gser bum | gser dngul gyi maNDala rgya nag ma sogs spus legs khyad mtshar can grangs mang bcas dang | khyad par sku rten dngul gyi sgrol dkar khru gang ma dang rgya gar nag gi gser sku li ma mang po dang | yang sgos si sngon o rgyan rin po ches bod la khong gi sku tshab nyer lnga bzhag pa las slob dpon gyi sku brnyan rig 'dzin 'ja' tshon snying pos gter nas gdan drangs pa byin rlabs kyi gzi 'od 'bar ba de chos rje 'di'i phyag tu 'byor ba dang | byams pa'i zab chen mo lha 'khor kun mkhyen rje btsun dang sgrol ma dmar mo dang ljang mo bcas zab thang byams gsar zhes grags pa'i gos sku thog tshad dgu ma dang | slob dpon padma'i zab sku snyan zung gi rgyan gser 'gu gnyis kyis byas pa lha 'khor chos longs sprul gsum bcas gos thang thog tshad drug pa can dang gos thang khyad mtshar ba snga phyi gnyis legs bzhengs mdzad de rgyud sde du ma'i sgo nas rab gnas kyi cho ga rgya cher sgrub ste ngo mtshar ba'i dge mtshan dang bcas dga' ston yon 'bul dpe bral gyi mdzad chen gnang zhing | khyad par zab thang phyi ma la rdo'i grub dbang kun bzang gzhan phan gyis rab gnas mdzad pas dge legs kyi mtshan ma me tog gi char dang gu ru'i sku mdangs sha mdog tu gnas 'gyur te yongs kyi mthun snang du ngo mtshar ba'i ltas bzang gis ljongs 'di'i skye dgu'i yid la dad pa'i sgo dbang med spel nas snang ba ha las par gyur cing | gsung gi rten yang rgyal ba thub pa'i dbang po'i bka' bod du 'gyur ro chog kham sde dge'i mtshal spar ma glegs bam brgya phrag lhag gis gtsos gsung rab mang dag bzhengs pa dang | thugs rten yang 'dzam thang chos sde'i nub kyi char dpal gyi mchod rten chen mo phyogs rer 'dom pa brgyad re yod pa ches mtho khyad yongs rdzogs mtshar bkod can gyi nang gi rten yang seng khri'i nang lho nas rim bzhin lha khang bcu gnyis 'jim sku ston pa gtso 'khor gsum rgyan drug dang bcas mtho khyad rdzogs pa | de nas lha khang re re bzhin rim pas nye ba'i sras brgyad thog tshad re dang | 'od dpag med gtso 'khor gsum dang | slob dpon gtso 'khor gsum sogs lug ma legs mdzes kyis gang zhig | de mtshungs gyang ris yang sang rgyas kyi skyes rabs | bang rim dag gi nang du stong sku mang po dang bum pa bre bcas kyi nang bla brgyud dang rgyud sde sna tshogs sogs ngo mtshar gyang ris ches mang zhing tha na dgon pa 'di'i chags tshul yon bdag bkod pa tshun chad kyang legs 'dzoms rgyas spros mdzad pa ma zad nang gzhug rten gsum khyad 'phags du ma gnod sbyin 'khor bcas kyi srog shing khyad mtshar can dang dngos rdzes kyi bye brag sna tshogs pa'i mdzod du mas phyur bur gtams pa sogs sgo kun nas legs cha rgya bskyed pa dang rab gnas dga' ston yon 'bul sogs kyang gzhi khyon legs rdzogs mdzad nas 'phros